張寶兒懷孕3個月 袁偉豪感動眼濕濕

（星島日報報道）袁偉豪和張寶兒自2019年結婚後，經常被追問何時展開造人大計，日前寶兒罕有性感出席活動大騷Fit爆身材，豈料昨日她在社交網宣布「我們有孩子了」，她上載跟老公拿起BB超聲波圖片並hashtag「袁寶」，發文提到「他」，估計可能陀B仔。隨後，袁偉豪也發文表示感到無比的幸福。圈中好友胡定欣、陳山聰、黃智雯、陳敏之、陳凱琳及洪永城等紛紛留言恭喜兩人。
日前在活動上仍保密懷孕消息的寶兒，昨透過短訊接受本報訪問，她感謝大家祝福，問是否剛滿3個月才公布？她表示：「多謝你嘅祝福，係啊，見完醫生，醫生話穩定。（上星期性感露面完全不似懷孕？）現時仲係早期，據說應該未見肚住，哈哈，不過身體有變化，食嘢口味唔同咗，成日眼瞓、腰骨都有痛。」榮升準媽咪的她表示得知懷孕，及見到超聲波畫面時忍不住感動：「第一次睇到超聲波、聽到心跳覺得好神奇啊，以前唔知點解覺得超聲波只係一張圖，原來係可以見到佢活生生咁郁，好震撼。」她透露老公更感動到眼濕濕。問到BB性別？寶兒直言仔和女都鍾意，她估計老公恨生女。