軒仔學尹光腔唱歌 台上邀開騷組CP

（星島日報報道）REVISIT張敬軒演唱會》舉行到第7場，繼續吸引圈中名人成為座上客，前晚來捧軒仔場的藝人包括近期因為AI模仿其唱腔而成為熱話的尹光，軒仔笑言想同尹光開騷，隨即用尹光腔口唱幾句《酷愛》，二人在台上台下互動。
前晚軒仔一見到尹光，即說：「我真係由細到大都聽你嘅作品！」更隨即哼出尹光首本名曲《荷里活》，然後續道：「可唔可以同你開Show呀？」尹光即回應軒仔：「唱你嘅歌！」軒仔便用尹光腔口唱了幾句《酷愛》，爆笑全場。軒仔自爆，「過去呢4日，每一日朝早起身第一件事，就係開AI版尹光《一人之境》嚟聽，好鍾意嗰種感覺嗰種Touch，如果有一日可以請尹光哥哥做我嘉賓或者合作開音樂會，我最想同你唱咩歌知唔知？我唱小曲好叻，可以即刻同你組CP。」並即時清唱兩句《啼笑咽緣》。
粉絲包雪糕車應援
當晚張媽媽現身台下也令粉絲起哄，當有粉絲大叫「奶奶」，軒仔即問：「邊個叫奶奶呀？」卻引來更多粉絲大叫「奶奶」，令軒仔啼笑皆非。今次演唱會，粉絲花盡心思應援，在周末更包下雪糕車在會展外免費派發雪糕給入場觀眾及途人消暑。
此外，軒仔宣布開辦演藝學校，以多年經驗培育新人，於7月公布招生，軒仔表示：「如果各位有志喺音樂界、娛樂圈發展，又或者爸爸媽媽放心將個小朋友交畀我嘅話，可以嚟報名，我會將我由細到大喺音樂上面識嘅嘢教俾佢哋。」