蕭正楠失禁打冷震 定欣瞓錢堆似Make Love

（星島日報報道）TVB新劇《破毒強人》前晚（31日）正式首播，獲網民激讚有電影感。胡定欣在首集肉緊拿銀紙在臉上亂舞，更瞓身銀紙堆大擺S身形，她笑言感覺像跟錢Make Love，最緊要拍得有美感。
劇中飾演貪錢角色的定欣，在銀紙堆上大擺S身形，相當吸睛，她受訪時坦言很滿意拍攝效果：「完全凸顯到章琳同金錢嘅關係，感覺像跟錢Make Love。金錢就係章琳嘅毒品，佢唯一想要同需要就係金錢。拍攝過程都順利，最緊要有美感！」
而首集開始是全身被插滿針筒的蕭正楠，眼神迷幻空洞躺在地上，劇情講述蕭正楠飾演臥底，身分曝光後慘被打毒針。阿蕭透露為拍這場打毒針迷幻戲花盡心思，深刻難忘：「我覺得嗰時個人應該失禁，所以同導演講話加失禁畫面，但原來倒濕晒條褲、瞓喺廠嘅地板係好凍，因為嗰時係冬天又吹大冷氣，加上我就算係劇組執燈、執機位，我都盡量唔郁瞓番喺地，地板係凍到我不停打冷震！」阿蕭續指就是這種「打冷震」狀態讓他更能投入角色，「我覺得正喎，我就係需要呢種感覺。工作人員問使唔使畀啲暖手嘢我，我全部話唔使，由得我震啦！」
「毒王」陳豪型爆
至於劇中聲沙的「毒王」陳豪，角色是否真患末期癌症，引發網民熱議懷疑肺癌只是獲取假釋的手段，亦大讚陳豪今次的造型，尤其是角色入獄前的造型非常有型。