自爆因頒獎成就事業新高峰 林海峰感激姜濤帶挈：冇你冇我

（星島日報報道）MIRROR成員姜濤舉行一連四場《KEUNG TO "WAVES"IN MY SIGHT SOLO CONCERT 2023》，前晚頭場演出邀得林海峰和ERROR隊長肥仔擔任嘉賓。林海峰妙語連珠指姜糖為廣告界和廣播道帶來新面貌，而他亦因頒獎給姜濤比自己得獎獲得更多留言，寧願做最喜歡歌手的最喜愛頒獎嘉賓，要姜濤努力成就他，笑言繼續孝敬後輩。
姜濤一輪勁歌熱舞成頭大汗，他用毛巾抹汗時介紹從沒合作過的梁業（肥仔）出場，肥仔拎起姜濤抹汗的毛巾為他抹汗，更要求他在毛巾簽名，卻嫌不夠汗味，再幫他抹多次汗笑言：「索多兩啖汗先！」
為廣播道帶來改變
當熒幕播放3年前姜濤獲頒「叱咤樂壇我最喜愛的男歌手」時O嘴的片段，林海峰出場，指自己等了3年，表示這晚要再頒過，然後重現當年情況，還問姜糖能否再做那個表情，姜濤反問甚麼表情？林海峰指獎項也屬於姜糖，因姜糖以作品說話，問在場姜糖：「你哋買幾多牙膏？食幾多炸雞？飲幾多汽水同啤酒？買幾份保險？做幾次body check？呢啲係用作品說話囉！你哋好勤力，樂壇需要你哋。」林海峰指姜糖不止為廣告界帶來新面貌，也為廣播道帶來新面貌，商台便是因為他們換上鐵閘，「我喺商台30幾年，商台只會換廁紙同主持人。前排30幾度，你哋個個變咗盧覓雪、個個都係熱暑人，30幾度無人暈，所以姜濤你都唔可以暈。」全場大笑。
承諾「孝敬」後輩
林海峰更自爆頒獎給姜濤後，自己事業創新高峰，社交平台有不少留言感謝他愛錫姜濤，反而自己得獎也沒這麼多留言，所以寧願頒獎都不想得獎，笑指姜濤並非要努力成為亞洲第一或紅過羅湖，「係要努力成就我，所以獎係屬於我，我將個獎畀你頒畀我，我係最喜歡歌手嘅最喜愛頒獎嘉賓。我答應大家會努力頒獎畀佢，我會孝敬後輩，冇你冇我。」林海峰還搞笑宣布自己開演唱會，熒光幕上即出現姜濤演唱會海報的改圖，海報上寫了當年對方在頒獎禮得獎O嘴講出「What！？」的字樣，更呼籲幫他掃飛，約定大家1月1日（指頒獎禮）見姜濤。
哽咽感謝姜糖應援
插不到嘴的姜濤笑言這部分並沒綵排，每年都會驚林海峰出來不知有甚麼發生，覺得對方是神秘人，想請教他怎想到那些東西，亦覺得有獎固然好，但路仍很長，只要成為最親的人的「我最喜愛」就夠。
此外，當姜濤拍片哽咽感謝姜糖辛苦應援，並跟姜糖道歉，「近年很驚同無自信面對大家，但唔應該懷疑大家喺唔喺度，應該同大家緊密啲，由現在起我要將你哋變成我生命中真正一家人，辛苦你哋！」