193情緒爆發拒再謝票

（星島日報報道）由ERROR四子梁業（肥仔）、何啟華（Dee）、郭嘉駿（193）及吳保錡（Poki）主演的電影《陰目偵信》上周四正式公映。近日各演員都四出謝票。不過，日前193卻在社交群組表示收到騷擾訊息，並宣布拒絕再為電影出席謝票活動。
郭嘉駿（193）指自己在出席謝票場後收到騷擾訊息，並強調謝票並不是義務，他寫道：「收到啲好騷擾嘅message，所以同大家解釋返（番）。謝票並唔係義務，我亦都冇應承過任何嘢。身為一個配角已經做足晒戲劇上嘅本分，亦希望大家買飛入戲院係帶住一個想睇電影嘅心情入去。」
呼籲粉絲支持電影
193續指近一個月身體狀況好差，加上工作非常忙碌，除恆常工作外，還要準備出外拍攝節目、排練舞台劇和籌備今年第二首Solo歌，他表示：「如果唔係你哋包場，其實我真係唔太想特登抽時間去謝票，有空閒時間我會比較想休息、養聲同埋做歌。」最後193謂：「既然原來抽時間去謝票係會收到騷擾message，今後我決定唔再謝票，不過請大家繼續大大力支持《陰目偵信》呢套電影。」
據《陰目偵信》的官方專頁帖文寫道，上周六（8月12日）將於港九新界舉行9場謝票場，原定出席演員有193、Dee、郭思及導演梁國輝，但在頭三場的大埔、九龍塘、荃灣，以及尾兩場的沙田和尖沙咀站，合共五場都未見193蹤影，惹起專誠買票入場支持193的觀眾不滿，並紛紛去群組洗版滋擾，因而令193情緒失控。
趕住錄音一定要走
193曾三番四次揚言今次電影僅是配角，並一度傳出他不滿戲份少，而他昨日接受Do姐電台訪問時，亦一再強調自己像「茄喱啡」，因而令觀眾認為這是他缺席宣傳活動的原因。對此，193獨家回應《星島頭條》表示：「我再同電影公司了解吓先，一直都同監製傾緊謝票嘅問題，因為當日謝票，之前同之後都有工作，所以盡量去到邊場都會去。而當日去到大約晚上6點，趕住去錄音所以都一定要走，導致去唔到最尾果兩場。其實之前同佢哋講咗，我去到都會去。」