王敏慈苦練一字馬彈古箏

《2023香港小姐競選》決賽在即，16位佳麗昨日出席化妝品店活動，她們表示正加緊練習才藝表演，2號黃泳嘉望以童年回憶吹牧童笛打動觀眾，17號王敏慈對才藝有自信，但最驚講不好廣東話。
分組比賽中，2號黃泳嘉、6號胡睿涵、13號陳曉彤及17號王敏慈齊齊勝出粉紅party打卡比賽。3號鄧凱文憑表現獲瑰麗仙氣尋寶女神獎，她表示參選港姐後因上了不少化妝堂，加上會向化妝師偷師，故對化妝更有信心，亦因這段時間經歷多了，自信心同樣增加。王敏慈笑指以前喜歡濃妝，現時化妝進步很多，會揀選更適合自己的化妝，她在才藝表演中又彈古箏又做拗腰及一字馬等高難度動作，她對才藝表演有信心，但仍會繼續學習，亦會Keep住開心心情，增加多點自信，因有自信看起來更靚：「我最驚自己廣東話講得唔好，呢個係我最需要練習嘅。」
吹牧童笛憶童年
黃泳嘉在才藝表演則吹牧童笛，她指在香港讀書的人許多曾學過牧童笛，覺得代表了童年及在香港長大，對於網民指其表演太簡單，她說：「我都明白，牧童笛真係小朋友學，但自己唱歌唔叻，亦冇認真學過跳舞，為咗想吸引人所以揀咗牧童笛。」而她指參選後學識放鬆心情，目下正接受很多集訓，加上飲食以蔬果為主及少食多餐，希望決賽能做好自己。鄧凱文表示會放鬆心情面對決賽，雖然難免緊張，到時盡力就好，會想些開心事及食黑朱古力減壓，每星期亦會找一日放縱自己吃想吃的食物。
郭珮文晚晚消夜
16號郭珮文玩遊戲時顯緊張口窒窒，她受訪時表示不知為何緊張，自知表達能力較差，正努力調節心態，自爆每晚會食消夜，到決賽前一晚才會節食。問到對泳裝環節是否最有信心？她說：「唔會好大信心，因為自己食咁多消夜，同埋着泳衣都會緊張，驚被人睇到捽手指呢啲小動作，會努力忍住唔捽。」
早前出現皮膚問題的15號莊子璇表示已痊瘉，她正在減肥，坦言決賽壓力不像之前那麼大，不擔心減肥影響健康，對口才方面最有信心，但說話有點黐脷筋，所以要再練習。