黃日華：62歲不易投入感情

香港明星足球隊與貴州榕江村超聯隊昨日於香港大球場進行足球邀請賽，吸引大批球迷入場，明星足球隊成員譚詠麟、陳百祥（阿叻）、苗僑偉、羅家英及黃日華等亦有落場，而最後明星足球隊以3比1贏得比賽。
阿叻在贏出比賽後代表明星足球隊接受霍啟山頒贈的錦旗與獎杯，而譚詠麟（阿倫）亦不停被對方球員邀請影合照。黃日華在比賽後表示，自己踢了約30分鐘，但有些不開心，因為一掂波即被對方「鏟腳」，令他無名火起，並指自己很多年沒在球場上發火，但今日真的忍不住，因為第一腳已被踢，又指之後阿倫叫自己不要發脾氣，因為全國正在直播：「我點唔發脾氣？第一腳就咁樣。」
對於近日有傳他向關寶慧求婚成功，問他現在對愛情是否還有火？他表示沒有，並以十字來澄清：「真的該說了，假的不說也罷。」黃日華指內地有很多網站也有很多假消息，所以不想回應：「例如發哥（周潤發）死咗、三哥（苗僑偉）破產，呃人睇，（回應咗就唔使理。）咁就趁呢個機會澄清，有啲咁嘅假消息對讀者唔公平，對我係一種傷害，明知唔係真，但講到一個藝人有咁嘅行為就唔好，應該要制止。」黃日華又指單身3年多已習慣，但世事無絕對，自己亦沒講過終身不娶，但自己已62歲，不會容易投入另一段感情。
過億人睇直播
至於阿叻則表示，今次贏出比賽也是意料之外，因為最初15分鐘一直落後，後來因對方擺烏龍洩了氣才輸波，阿叻說：「好開心，明星足球隊20年來只輸了一場波，就係對AC米蘭6比1，喺中國踢波暫時係橫掃。（對方讓你哋？）梗係唔會，佢想橫掃我哋，入咗球場條界就唔會讓。」阿叻指13歲的願望就是在自己的地方贏波，現時73歲、等了一世紀後終於圓夢。阿叻又指昨日在內地社交平台上有過億人看直播，更是香港首次。提到他在球場上犯規，他表示沒有，只是別人衝過來自己走避不及，又笑言自己同阿倫及羅家英的歲數，加埋就等於對方11人嘅歲數，又表示朋友們已準備了十幾圍幫他們慶功。