最強巨星雲集 《金手指》首映打響頭炮

兩大影帝劉德華與梁朝偉相隔廿年再度合作的英皇電影《金手指》，將於12月30日全球同步開畫。投資3.5億元、破香港影壇最大投資紀錄，英皇電影年度超重量級鉅獻《金手指》首映暨英皇戲院Plus+（大圍圍方）開幕典禮前晚隆重舉行，執導該片的莊文強、監製黃斌率領一眾演員梁朝偉、劉德華、蔡卓妍（阿Sa）、任達華、方中信、陳家樂及周家怡等出席外，英皇集團主席楊受成博士與太太陸小曼、保安局局長鄧炳強、文化體育及旅遊局局長楊潤雄、懲教署署長黃國興等到場支持，梁朝偉的太太劉嘉玲亦專誠到場支持老公，而且為老公與劉德華及阿Sa合照。

阿Sa與梁朝偉在戲中有場激吻戲，兩人在台上表示拍得好投入，阿Sa指曾跟劉嘉玲見面，對方表示睇過該片，認為她可以更狼死錫梁朝偉，但自覺已經很狼死。問到可會接受更狼死？梁朝偉笑指阿Sa認為夠就可以，隨即引來台下觀眾拍手支持。
阿Sa裝胸咀偉仔
阿Sa笑言心情好緊張，因為未睇過該片，反而劉德華同梁朝偉已經睇過。談到跟兩位影帝合作好緊張，她笑言拍攝時不太緊張，緊張自己表現更多。談到跟梁朝偉有咀戲，當笑她成為女士公敵時，她笑言搵食艱難。提到在戲中要裝胸，她笑指要裝胸作勢，導演莊文強曾揚言叫她應該帶埋個假胸出來宣傳，因為都是一個角色，又指假胸是特技胸，每日需要花幾個小時裝胸。談到戴假胸後可會羨慕大胸女生？她笑說。「我唔羨慕，我自己都有。」
跟阿Sa有對手戲的梁朝偉，笑謂不會不敢低頭望對方，今次演出覺得不太辛苦，不過比起以前的文藝片較疲倦，因為拍攝時想多一點能量。在旁的劉德華也認同今次演出不算辛苦，皆因動作戲不多，但不算拍戲以來最舒服，也有感到壓力，因為想自己有表現，又搞笑謂睇過套戲後都覺得Very Good。他說：「其實有幾個版本，相信這個版本係導演最滿意。我覺得呢部片能量好高，拍攝手法好特別。」梁朝偉則謂對該片很滿意，因為自己已盡最大的努力，更自爆已為該片連走多場謝票，又認為謝票可以聽吓觀眾意見。談到接受商台節目訪問被林海峰講他演出的電影《阿飛與阿基》講錯為《咖哩辣椒》。梁朝偉說：「唔緊要啦！是但，早上未瞓醒嘛！兩部戲類型好似。」談到今次為何不唱主題曲時，梁朝偉與劉德華對望微笑，梁朝偉解釋其實導演曾有提議，不過自己不敢。問到為何不給予鼓勵梁朝偉？劉德華說：「我都唔敢。」
劉德華兩片對撼
另外，提到劉德華主演電影《潛行》跟《金手指》對撼，華仔笑言自己也不想，兩間公司投資，但以前也試過自己打自己，希望觀眾會兩部戲也入場收看。
《金手指》由鬼才導演莊文強擔當編劇及導演，連同最佳拍檔黃斌監製，並且邀請到香港影壇最黃金組合梁朝偉與劉德華，相隔20年再次合作，12月30日全球同步開畫，絕對係影迷最期待的港產片！