新戲搞到「人都謝咗」 城城家棟大嗌「加保」

郭富城、任賢齊、林家棟、張可頤、胡定欣等昨晚出席電影《臨時劫案》首映禮，張可頤首演女警有開槍恐懼症，笑言要買重保險，3位男主角聞言都表示要「加保」。講到在內地收2億人民幣票房，他們希望在港都能口碑和票房雙贏。至於謝票行程，城城笑言「人都謝咗」，早前有指他內地謝票時不適要由林家棟攙扶，城城笑言是家棟似女生一樣挽着他的手臂，隨後解釋其實是演唱會加電影宣傳、體力有點透支，家棟即投訴城城沒請他看演唱會。此外，家棟得知河國榮離世消息感愕然，坦言大家是很好的朋友，由93年相識至今，當年邀對方參演《死開啲啦》，偶爾都會一齊飲茶，會聯絡演藝協會了解能否幫上忙。
至於城城太太方媛早前拍內地綜藝節目《今晚開放麥》成話題，問到有否收睇？城城即「落閘」表示不多講，「網上都講晒啦！（有睇嗎？）有睇！」對於方媛在節目反擊「哈比模」和「敗家」等批評，城城表示不想太多，過年只想開心事，負面和不實的事就不要提。