陳煒大爆朱晨麗今年出嫁

剛由加拿大登台返港的陳煒和朱晨麗，昨日一起到沙田馬場出席TVB賽馬日活動。陳煒稱來得及返港過情人節，老公早已訂了花給她：「好有心，多謝佢啦，我哋仲去咗嘉年華玩，掟咗好大個公仔。（有收禮物？）唔使，就算同佢食大排檔都開心。」
當問到朱晨麗如何過情人節時，陳煒即爆響口指對方紅鸞星動，今年會嫁，搞到朱晨麗勁尷尬，雖然期間她一直否認，但陳煒繼續：「佢係呀！」而朱晨麗則表示現時仍在努力中，但也要隨緣，問到是否明年可以派雙封利是？朱晨麗說：「我𠵱家都可以派。（保護戀情？）隨緣。」不過陳煒聽後即再說：「佢唔好意思啫，女仔怕醜，但唔認就唔得。」