周驄提議開老人院 古天樂：我盡力！

香港演藝人協會昨日舉行春茗茶聚，過百會員出席，場面墟冚，連任會長的古天樂及副會長余安安、錢嘉樂，聯同新任理事會成員包括張繼聰、周家怡、岑珈其等齊現身，理事會成員年輕化，余安安坦言上一代始終會退休，永遠要有後浪。
香港演藝人協會第十六屆理事會換屆大選於本年初完成，古天樂連任會長，余安安和錢嘉樂連任副會長，而新登場的張繼聰、周家怡分別當選新一屆秘書長及司庫，岑珈其、張敬軒當選為理事，王梓軒、徐智勇（小肥）、梁棨寧（咸旦）、游學修、雷深如（J.Arie）、趙善恆及鄭文獲邀加入成為特邀理事。余安安開心理事會成員年輕化，更親製蛋糕慶祝協會成立30周年。
席間還頒發「傑出演藝大獎」，表揚多年來為演藝界付出寶貴青春、貢獻良多的前輩藝人，今年由余金珠、徐廣林、高爾珩、周驄榮膺獎項，會長古天樂驚喜現身頒獎。得獎的周驄中氣十足表示：「多謝大家畀我嘅肯定，我想講良心說話，我唔係為個人得獎而來，我真心欣賞演藝人協會，特別欣賞古天樂先生，我擦鞋擦咗幾十年，我估古天樂先生心裏有個願望，係搞演藝人協會轄下老人院。」問到是否搞老人院？古仔表示：「我都估唔到，因為非常複雜，我盡力啦！」
余慕蓮鯁魚骨留院一晚
至於2020年患肺纖維化的余慕蓮（魚毛），昨日精神不俗但仍偏瘦，走路要傭人攙扶，魚毛自言身體狀況麻麻，日前食魚不慎鯁骨入急症室，留院一晚才取出魚骨，醫生叮囑她不可以跌，因此不敢獨自出街，每朝去公園散步，夜晚睇完兩線劇就睡，更自言開始沒記性，要搵朋友打台灣牌訓練。