Angelababy激罕談兒子：佢有啲曳曳

楊穎（Angelababy）去年捲入瘋馬秀風波後疑被內地社交平台「禁言」，不過早前她於社交網分享出席杜拜活動獲過百萬點讚。久未於香港露面的Angelababy前晚（13日）難得現身香港，參與上海市文旅局和Branding Shanghai舉辦的「幻彩詠香江——上海之夜」，同是上海籍的Angelababy及琦琦更齊乘天星小輪遊維港，當晚Angelababy狀態大勇，笑容滿面，心情極佳。
生於上海、香港長大的Angelababy，受訪時大讚兩地都喜愛，指兒子「小海綿」於上海土生土長，喜愛吃菜飯與燒肉等，亦欣賞香港的雞蛋仔與叉燒包。談到王家衛執導兼任總監製的熱播劇集《繁花》，Angelababy大讚拍得上海很靚，不少朋友因此想到上海玩，她有睇過原著小說，指作品將上海地圖寫得很清晰。
今次跟《繁花》演員同場，Angelababy希望跟他們一同睇夜景，她表示曾帶兒子坐天星小輪及去主題公園，今次兒子因要返學沒有同行。談到2月28日度過35歲生日，她笑言與家人及朋友慶生，還舉辦化妝比賽，「一班朋友互相化妝，我幫朋友化個妝幾靚！」問到兒子有甚麼表示？她笑謂：「初時佢畀新年利是我，我話媽媽唔要呢啲嘢，你留返人哋畀你嘅嘢！跟住佢將屋企嘅公仔收集埋送畀我。」近年少拍港片的她坦言希望有機會再拍香港作品，也希望在港留多幾日，「我仲未食完香港美食，但兒子在上海返學，讀一年班有啲曳曳，要返去睇佢。」
鍾鎮濤指王家衛要求高
琦琦笑指女兒任晴佳聽得懂上海話，但老公任達華只會講「電話無電」、「銀包喺邊」及「有無錢」幾句上海話，她表示認識參演《繁花》的模特兒佟晨潔，讚對方演經理角色神似，若自己獲王家衛邀拍戲，想演吃貨。
同場出席的《繁花》演員包括鍾鎮濤、鄭愷及佟晨潔。鍾鎮濤首次拍王家衛的作品，指對方要求高，但笑謂自己從不試鏡，今次演《金玉滿堂》廚師角色的延續，開拍前沒特別準備。鄭愷則謂試戲很久才獲戲中「富二代」角色，指王家衛不時加戲及不同元素，拍出來才知效果。演經理的佟晨潔花一年時間素顏試戲，後來才知演經理角色，該劇大受歡迎，好多餐廳經理會向她介紹自己，自覺成為業界榜樣。