蔡思韵撇低劉俊謙 孖朋友旅行食到肥

劉俊謙與女友蔡思韵昨日出席BVLGARI發布會。見思韵身形變肥，她透露早前與朋友到日本滑雪，可能玩得太開心、食得多而變肥，但不知肥了幾多，不過男友劉俊謙就未有同行：「今次係我第一次滑雪，仲以為會跌得好甘，原來無想像中咁嚴重，我愛上滑雪，已經預計下一個雪季去滑雪，呢次會帶埋劉俊謙去，做教練教佢滑雪，雖然佢唔識，但佢讀體藝學院係泳隊，好有運動天分！」談到上圍可有因變肥而升cup？思韵笑指自己通常塊面肥先，與男友日日見面不覺她肥，若然有問題，男友會跟她說，亦不介意男友講真說話，又認為兩個人相處要坦誠。談到情侶檔開工是否特別甜蜜？她笑言今日各自忙為品牌影相，沒有機會交流，又指休息到5月拍新戲，稍後出埠工作兼旅行，首先到羅馬工作，其後到英國探朋友，此行男友亦無份同行，她說：「好享受同朋友一齊去旅行，好享受自己時光，但絕對唔係有異性無人性。」
劉俊謙笑指有工作在身，所以未能跟女友同行，並透露有份演出多部電影及網劇將陸續上映，而且角色很不同，不擔心被混淆。至於女友指會教他滑雪，他笑言要事前找教練學幾堂先。對於女友去旅行後變肥，他表示覺得女友變Fit了，並戲言自己好識說話，擔心跪玻璃，不過女友好勤力做運動。