李龍基風騷獻唱自認爆紅

73歲的李龍基近來因未婚妻王青霞（Chris Wong）涉造假及逾期居留等成為新聞人物，連日來更風雨不改到大欖女懲教所探監。早前被指「籌錢救老婆」的基哥，前晚（24日）現身香港仔某飯店舉行的《李龍基好SING之夜》，筵開21席，觀眾由小朋友到長者都有，全場爆滿！席間，李龍基更笑問觀眾為何自己近來爆紅？文、圖：娛樂組
前晚李龍基一早到達現場作準備，同場表演嘉賓還有菲菲和Ben Lam，晚上約8時半，基哥以一身白色閃耀的西裝褸登場，歌迷們情緒非常高漲，基哥邊唱歌邊和觀眾作近距離接觸兼合照，不少人更向基哥送上利是，場面熱鬧；期間，基哥見到一位老朋友，並攬着對方風趣表示：「我認識咗呢位朋友80幾年，因為我40你又40，加埋就80！」
為觀眾唱生日歌送祝福
現場有不少觀眾表示是自己生日，識做的李龍基立即大唱生日歌，並送上祝福：「希望所有生日嘅朋友年年有今日歲歲有今朝，最緊要青春常駐，銀行存款升，所有嘅樓升、股票升，但希望你哋嘅血糖唔好升！」勁搞氣氛。李龍基亦有拿自己的新聞開玩笑，他說：「大家知唔知呢期最紅邊個？我都唔知點解自己會忽然間咁紅，我相信咩原因大家都知，呢個原因唔係幾好，但係我覺得呢期最紅係甄子丹！若然我後生勤力啲，我相信我嘅成績會超越甄子丹，因為當年我都有學武術，我識得蛇形刁手，日字衝拳！」
拒絕受訪感謝記者光臨
晚宴上，基哥共唱了12首經典歌，唱到大汗淋漓，表演大約45分鐘後便返回後台休息，但觀眾意猶未盡，全場開動手機電筒大叫Encore，休息5分鐘後，基哥再次出場唱最後一首歌，滿足觀眾的要求。演出完畢後，基哥換回便服拖着行李篋在工作人員陪同下離開，《星島頭條》記者上前訪問他時，李龍基友善地婉拒：「我真係應承過唔再接受訪問，我唔想出爾反爾，感謝你嘅光臨！」