林穎嫺出書獲好友支持

1987年港姐季軍林穎嫺昨日為新書《如何活出燦爛人生》舉行簽名會，獲圈中好友賈思樂、邵珮詩及表弟何國鉦等到場支持。
新書講述林穎嫺30年來的經歷，由選美入行、離開娛樂圈到美國讀書，在當地生活的點滴，亦會分享組織家庭及事業，甚至理財慳稅，她笑言回望自己過去，覺得並無憾，心境很平靜，「我想做嘅嘢已經做好多，有家庭同三個子女讀大學，佢哋有精彩生活，我亦做返多啲回饋社會慈善工作。」問到可會考慮拍戲？她笑說：「呢啲會隨緣！暫時我嘅緣份係書，我喜歡寫作。（覺人生已得到滿分？）未呀！要做多啲慈善活動幫多啲人，咁先至滿分。」