陳瀅自爆開餐遭阿佘怒睥

梁靖琪（Toby）與陳瀅在新劇《家族榮耀之繼承者》演兩姊妹，雖是首次合作，但戲內戲外都老友，Toby今次演敗家女會跟佘詩曼爭仔，「感覺好得意，我同阿佘拍過幾套戲，好多年前合作過《花花世界花家姐》，好耐冇同佢合作，我好緊張，原來同好友合作都好緊張，要自己調理心態，我都驚自己會甩咗，反而阿佘叫我唔好緊張。」
陳瀅笑指現時拍劇都會整蠱演員，包括前輩羅嘉良及佘詩曼，「整完阿佘，聽聞她會報仇，但暫未有行動。」她指拍劇初期身形仍脹脹地，演員吃飯時，阿佘見她食飯飲湯就用凌厲眼神問：「你仲食？」她唯有只飲兩啖湯，明白阿佘好意，笑言終於有人成功令她減少少磅。