謝玲玲自認開明不過問兒子感情事

謝玲玲與趙慧珊（Aka）舉行慈善畫展，提高大眾對遺傳性乳癌的關注。前晚（14日）舉行酒會，謝玲玲獲子女林恬兒、林孝能及林心兒到場支持，但未見與TVB女星胡美貽傳出秘戀的長子林孝賢現身，謝玲玲認為子女已大個可隨便交朋友，她尊重子女，不會過問。
謝玲玲今次為慈善特別畫了9幅油畫，她最喜歡作品「繁花似錦」能展現女性多姿多采，希望為女性團體發聲。提到不見大仔林孝賢，謝玲玲指兒子一早有來恭喜她，至於有否恭喜兒子拍拖，有指林孝賢秘戀TVB女星胡美貽半年，女方融入家中與未來奶奶同住，「細路哥嘅嘢我唔理，佢都好大個啦！（有女友要讓你過目？）我而家係好開明嘅媽媽，尊重仔女做任何事，佢哋都3、40歲，我已完成教育責任，唔過問任何事。」
追問到有否見過胡美貽，謝玲玲避談：「我而家唔理，成日飛來飛去。（兒子交女友唔使過你嗰關？）佢可以隨便交朋友。時代唔同，自己開心為主，結婚生仔唔重要，最緊要將自己做好！」並叫記者專注活動方面，表示不會理會兒子與女星拍拖，剛好大女兒林恬兒到場，趁機避談。
籌款目標50萬港元
為Aka擔任藝術總監的李靄璣，笑謂一早對Aka一幅畫作有興趣，早在年初懷孕時已想據為己有。Aka今次為藝術展畫了10幅作品，目標籌50萬港元，並透露今次藝術畫展以女性和愛為主題，其中一幅畫有靈鳥抱住粒珍珠，當中有個BB，估不到十分切合李靄璣的懷孕情況，已獲對方要求她為新居BB房繪畫，預留客廳某個角落由她自由發揮。