阿佘生日集氣 祝媽咪健康

 孝順女佘詩曼日前（28日）49歲生日與媽媽慶祝，她在社交網分享母女合照，坦言生日願望是大家集氣祝媽媽身體健康，向來圈中人緣甚好的阿佘也與「七魔女」合體大搞生日派對。

阿佘分享攬實媽媽甜笑合照，見佘媽媽依然戴着頭巾，精神不錯。阿佘留言多謝媽媽，並為媽媽集氣，「每年嘅生日都提醒我要感謝爹哋媽咪帶我嚟呢個世界體驗同學習。今年踏入第49年喇，好似做咗好多嘢，但係又好似有好多嘢從未做，要學嘅嘢仲有好多好多，其中一個大課題就係生老病死。喺媽咪唔舒服嘅呢一年半，我好似又大個女咗，變得更堅強。健康當然重要，但係開心始終係第一位，淨係日日都見到媽咪呢個招牌笑容都冧晒啦~我今年嘅生日願望係：『希望大家一齊集氣，祝佘媽媽身體健康啦！』」
「七魔女」個個凍齡
而好姊妹文頌嫻也分享多張「七魔女」為阿佘慶生的開心照片，除了湯盈盈、梁靖琪、文頌嫻、姚樂怡、鍾麗淇、周家蔚，還有苗僑偉和太太戚美珍、周家怡等，非常熱鬧。阿佘一身浪漫粉紅造型晒「佘」腰，文女表示祝「女王生日快樂」更示愛稱「愛你一萬年」，獲阿佘回覆：「愛你千萬年」。網民就紛紛大讚阿佘49歲仍保養得好，亦有人讚「七魔女」個個凍齡似吃了防腐劑。