鎮宇自爆同青雲冇偈傾

劉德華監製，邱禮濤執導兼編劇，由兩大影帝劉青雲、吳鎮宇主演的電影《談判專家》，改編自1998年荷里活作品《冇數講》。二人雖然相識於微時，友情超過40載，但鎮宇笑言，跟越熟絡的人越少傾偈，青雲也承認二人少見面，但很欣賞對方會將300分鐘故事以3句完成。

《談判專家》中，青雲為清洗謀殺同僚及警察貪污案主謀的污名，變成佔領警局挾持人質的綁匪，於是點名要求由談判員改行做社工的鎮宇作出談判，此外，電影還有苗僑偉（三哥）、鄭則士、黃德斌及周文健等參演。
越唔熟越好傾
談到電影改編自荷里活作品，吳鎮宇表示有睇過該版本，但笑言節奏太慢，可能全英語又沒有字幕聽不明白，所以睡着了。而劉青雲則謂雖然是改編，但他主要睇劇本，因為不同導演、環境及演員都會有所改變。《談》片由劉德華監製，問到他曾否到拍攝現場探班，鎮宇指華仔曾到場探望三哥，但本身怕醜又跟華仔不太熟。鎮宇坦言就算在港拍戲也不會跟對手表現熟絡，反而大家好唔熟，才會變得熟絡，「我同三哥唔熟就懶係多嘢傾啦！因為佢係前輩就帶我哋出去飲飲食食，喺TVB食飯靠佢哋『萬歲』食多啖魚，所以同三哥會傾多啲，同青雲無乜嘢傾！我同邱禮濤都唔傾偈！」
二人對上一次合作是19年前的《喜馬拉亞星》，這次二人同樣以影帝身份參與，卻表示在拍攝現場甚少交流，那是否留在銀幕中鬥戲？吳鎮宇笑說：「因為我用咗時間同三哥傾，無時間同佢（青雲）傾！」青雲笑指鎮宇會估到他如何演繹角色，但鎮宇否認，指自己不會睇對方所演角色的劇本，「估嚟都無用，我都唔知自己會點演。見步行步！唔想喺屋企睇太多劇本，嚟到先算！」二人在戲中有不少談判情節，拍攝時在不同廠景真的傾電話，透過談話的語氣從而再配合，所以感覺上很緊密。