張振朗首演雙重人格

張振朗在《刑偵12》角色有雙重人格，他指算是入行以來其中最難的挑戰，「今次有部分係我自己演，亦有一部分係吳業坤演，我覺得幾有趣。」提到與林保怡很多對手戲，振朗開心指是難得機會，「佢差不多13、14年冇返TVB，今次返嚟有機會同他一齊拍，好開心好榮幸，有多個機會畀我哋學習同偷師，林保怡係超級大前輩，所以同佢拍嘢都有壓力，但好感激同感謝今次機會。」

戴祖儀指今次做陰沉大學生角色，劇中沒感情線但會被打，她較擔心拍攝場地會太熱多過被打，當笑指可當減肥，她即表示希望減包包面，自言對減肥有毅力但維持不長久，「曾減咗十幾磅不過好快就食返嘢，因為瘦咗要獎勵自己！」