街坊驚魂未定：唔俾女兒獨自出去

將軍澳廣場光天化日下發生轟動全港的綁架兒童案，雖然警方極速破案，惟區內家長仍餘悸未了，異口同聲稱要「睇實啲」小朋友。

《星島》記者昨日重返發生綁架案的將軍澳廣場了解，帶着讀2年級女兒的何先生說：「而家盡量都唔俾佢（女兒）獨自出去，有課外活動都會自己帶佢去，而家真係有啲驚！睇到新聞都會震驚，呢啲事（綁架）應該係我當年好細個先會發生，而家好少！」其女兒則說：「去到邊都同家長一齊，仲要帶手機方便聯絡。」
「仲要帶手機方便聯絡」

另一名女家長表示，會拖實小朋友，「被擄走小朋友得3歲，應該喺大人一米範圍內，唔應該俾人捉走都唔知，就算乜嘢定位儀器、GPS等都未必幫到手，因為已經俾人捉走咗。而擄人者都唔會咁儍，可以拆走你隻錶，破壞你啲追蹤儀器，係冇意思，而家都將呢單新聞話俾工人姐姐聽，等佢哋提高警覺。我自己都好震驚。」

教聯會副主席、幼稚園校長林翠玲昨日在電台節目表示，綁架事件發生後，學校已特別提醒學生小心，平日在課堂上亦有教導小朋友不要與陌生人接觸，及教導學生如何應對突發事情，亦有叮囑家長帶子女出外遊玩時，視線勿離開子女。林又指，警方的防騙宣傳及教育已深入學校，小朋友對防騙已有一定認知，而校方亦設有放學接送證，校門口設有閉路電視，保障學童安全。