詹天文開心到喊 鍾柔美忙揀大學

本屆中學文憑試（DSE）昨日放榜，同是應屆考生的「聲夢小花」詹天文（Windy）和鍾柔美（Yumi）放榜後向《星島》報喜，Windy興奮指成績比預期好，有更多學校選擇，未決定是否入讀伯克利音樂學院；Yumi就忙揀大學和選科，揚言繼續做好自己。
Windy坦言拿到成績單即刻開心到哭，「覺得呢幾個月的壓力終於釋放，其實都少少忐忑，但更多係興奮同激動，因為大部分科成績都比預期高分少少，好開心同感恩，當然可以更加好，但現時情況已覺得係滿意程度。之後都係主要揀返音樂科或者Music Business有關科目，都想喺Music方面深造。」對於大家認定她入讀Berklee（伯克利音樂學院），她澄清未揀定，「雖然嗰間係有畀獎學金，但我未肯定係咪一定讀嗰間，見到今日嘅成績，我發現係有更多其他選擇同學校可以揀，所以等我揀好一所學校之後再通知大家，多謝關心！」
Yumi坦言終於放榜、心情好些，「呢幾日同過去一段時間都有少少壓力又緊張，有同自己講成績無論如何，保持平常心。收到結果，自己都可接受，𠵱家忙去揀大學、自己想讀嘅科目。」她亦鼓勵其他考生唔需要擔心，「因為我都好開心終於拎到成績同埋等咗呢一日好耐，希望一切順順利利！多謝大家關心，我會繼續做好自己，做到自己嘅100分已經好好！」
「登神」齊勉勵考生
此外，張崇德透露這幾個月一直問兒子快要考DSE，為何整天看電影不溫書？兒子答已識晒，結果今次英文科考到5星成績，他透露兒子原來打算修讀IB課程（國際文憑課程），但因患有「選擇性失語症」而未能應付，情況在中學階層沒好轉，又指兒子最近才開始停藥，在家或與朋友社交是沒問題，但在學校才有這問題，近日更去了新加坡做見習，肯踏出一步與人傾談。至於盧瀚霆呼籲考生放輕鬆心情；呂爵安引用自己的歌《Again！》勉勵考生；馮盈盈則分享放榜經驗和貼士。