炎明熹 樂易玲 前後坐零交流

《聲夢》三小花姚焯菲（Chantel）、鍾柔美（Yumi）和詹天文（Windy）前晚（20日）在旺角舉行《音樂出沒：Let's play together演唱會》尾場，講明會來睇騷的炎明熹（Gigi）戴cap帽低調現身，早前疑以「忘本論」暗寸Gigi的高層樂易玲，被安排跟對方坐前後行，兩人沒交流。
當晚三小花除了分享18歲的生日願望，又跳唱《跳舞街》、《今期流行》等多首經典快歌，也演奏彈琴、色士風及長笛，Windy在合唱《給自己的信》時感觸落淚。她們談到出道至今經歷很多，感謝所有關注她們的人，沒大家支持很難行到此，看到台下每位《聲夢》學員，想起很多回憶，更多謝樂小姐。而坐足全場的Gigi離場時大讚：「好睇，睇得開心！」
四小花後台重聚
完騷後三小花受訪，對自己表現給予80分，指排練時間很趕，很感動Gigi來捧場，指對方有去後台為她們加油，「我哋笑佢身上有陣香氣，原來佢特登買新衫着嚟捧場。（台上冇提佢！）因rundown好密，所以用『聲夢』統稱。」至於何時跟Gigi合體？Chantel表示等公司安排，指對方在學業或工作上也很忙，大家私下保持聯絡，亦希望完騷有時間一聚，因自己再過個多星期後就要離港，Yumi則希望在Chantel走前能一起拍新歌MV。
此外，Windy透露9月跟Yumi升大學，但未知是否離港讀書：「唔知日後大家會否喺唔同地方，今次我哋三個開演唱會，仲見埋Gigi，真係好珍惜。」Yumi直言不滿放榜成績，「呢幾日都諗緊條路應該點行。（讀唔到想讀科目？）可以咁講，我對自己好高要求，面前好似好多選擇，要再深思熟慮。（留港讀？）係，慢慢安排。」