「女劍神」江旻憓 與隊友隔空派飛吻

  香港女子劍擊運動員江旻憓（Vivian），在巴黎奧運首日便於「女子重劍」項目為香港贏得今屆首面金牌，成為「世一女劍神」引發全港歡呼聲。TVB派出的奧運採訪代表隊，成功在Vivian奪金後第一刻進行獨家採訪，直擊女劍神獲獎真情流露一面。
TVB奧運特派專員何振然成功抓緊時機、排除萬難安排Vivian奪金後首個獨家訪問，捕捉到女神真情流露一面，談到3年前8強止步忍不住淚灑，Vivian又笑又喊謂：「我諗3年前我係話我唔要輸咗喊，因為我要贏咗先喊，所以我𠵱家要喊晒出嚟。好多謝我團隊好多人支持我，我次次輸係輸我自己做得唔好，所以我好對唔住大家，今次我終於冇做得唔好喇。」賽前一個月膝蓋再度受傷，Vivian克服傷患應戰，大呼感恩，更即時向身在香港的觀眾及隊友打招呼：「你哋係咪起咗身睇我呀？辛苦晒你哋，希望你哋可以瞓覺呀！」
而Vivian的隊友連翊希（Coco）在主播台直擊賽事，一直深信對方能夠奪金：「由2016年起，大家已經睇好佢攞獎牌，但就成日好似爭少少，作為隊友，大家都戥佢心急同緊張，但見到嚟到2024年，巴黎奧運今次終於圓夢喇，我戥佢、戥教練十分高興。」在頒獎禮兩人隔空連線，Vivian指場地是Coco最愛的紫色，更笑言回選手村第一件事要食士多啤梨，又對鏡頭狂派飛吻，Coco則以心心手勢回敬，相當溫馨。
阿佘Sammi發文力撐
Vivian奪獎成為全城佳話，視后佘詩曼亦被她所感動，在社交網站分享其飆爽英姿，留言：「又一次證明，機會永遠留給願意堅持的人！」而麥明詩則分享8年前在巴西奧運與Vivian的合照，大讚她保持心態和堅持下贏獎牌。至於仍忙於開演唱會的鄭秀文、呂爵安等，亦同樣捱夜力挺她奪金，備受感動！Vivian除了高挑身材外，招牌微笑與謙虛態度亦大受網民歡迎，被網民封為「劍擊界林志玲」，她更是文武雙全的學霸，畢業於史丹福大學國際關係學士，其後再於中大法律攻讀博士，又透露劍擊以外的閑暇時間愛睇韓劇，是韓劇天王金秀賢的粉絲。