張敬軒孖Stephy首度合作唔夠喉

商業電台65周年廣播劇《微涼之夏》進入第三周，張敬軒與鄧麗欣（Stephy）首度合作錄廣播劇，軒仔覺得同屬風象星座的二人好有默契，坦言未夠喉想編劇加戲！此外，眾Hellosss期待已久的Ian陳卓賢亦同時登場，聲演武俠小說作家。

《微涼之夏》第三周（8月19至23日）第11至15集，邀得張敬軒、鄧麗欣、陳卓賢（Ian）、Lolly Talk成員Sinnie及黃妍特別客串。今次是Stephy與軒仔首度合作聲演廣播劇，演戲經驗豐富的她都被難倒，「我哋嘅故事跨越唔同年代，由1998年到2023年，只能單靠聲線嘅變化，喺好短時間內交代唔同年代嘅情節，其實都幾難。當中仲有配音情節，難得見到軒仔扮聲、古靈精怪嘅一面，成件事好好玩。」
同是風象星座有默契
軒仔表示跟Stephy並不常見面，但很有默契，對戲時好自然有一份信任，「我哋都係風象星座，唔怪得咁有默契。今次錄廣播劇真係好唔夠喉，好想叫編劇月巴加多啲戲份比我同Stephy。」
首演廣播劇大叫好玩
至於Ian和Sinnie聲演的故事，背景是70年代的製衣廠，二人為廣播劇做足功課，Ian首次聲演廣播劇，飾演武俠小說作家，覺得很好玩，「故事發生喺70年代，用字就要有返啲年代感，例如『啱啱』會換成『啱先』或者『剛才』。拍劇可以利用表情、肢體動作去配合，廣播劇只單靠語氣及抑揚頓挫，但過程都幾順利。」Sinnie也大感挑戰，特別研究70年代的人講說話，希望給聽眾有70年代感覺。