Ian新歌情緒大爆發 自嘲似精神分裂

陳卓賢（Ian）特別飛到台灣為虐心新歌《鑿》閉關錄音，在陌生環境幾日不與人溝通，以暴烈、虐心方式演繹歌中的澎湃情緒，他坦言似精神分裂，但原來此行只為灌錄其中一節歌詞。

由於新歌《鑿》需要表達較複雜情緒，Ian特別選擇到台灣錄音，目的只為灌錄其中一節歌詞，他解釋：「開頭寫《鑿》呢首歌嘅時候都有諗會唔會好難，要錄好耐呢？但錄起上嚟，發現《以孤獨命名》仲難唱，至於點解要去台灣錄音，就係因為首歌好多情緒，好似精神分裂咁，所以我想俾自己一個好陌生嘅環境，試吓幾日唔同人講嘢，然後先去錄其中一節歌詞，睇吓情感係咪可以貼近想要嘅感覺，所以就揀咗去台灣，因為喺香港唔可以唔同人講嘢，醞釀嘅情緒會無咁淋漓盡致。」
撞爛結他扭傷腳
今次《鑿》MV延續《以孤獨命名》的故事發展，Ian一直靠劃火柴才能見到女主角，拍攝當日，導演要求他時而憤慨、時而哀痛，他輕易投入情緒。其中一幕要拿起結他破壞場景，Ian二話不說狂力揮動結他，粉碎現場每個角落，最終結他也完全解體，Ian更扭傷腳踝，而鍾愛結他的Ian看到結他「陣亡」，反而未理會自己的腳傷。另一幕Ian劃最後一根火柴，要表達出害怕以後不能再見的心情，他二話不說便投入角色抽搐流淚，虐心演技，即時到位。