陳凱琳為善最樂 望與囝囝分享

陳凱琳（Grace）及黃婧靈（波波）昨日到大角咀出席香港各界扶貧促進會《樂在社區關愛行動—愛在中秋》活動，向一眾街坊及長者大派月餅和福袋，而街坊見到Grace也非常開心，大讚她好靚女。

Grace表示覺得今次的活動很有意義，自己早了到達，與現場小朋友一起整月餅，雖然自己平常也很喜歡烘焙，但未試過整月餅，笑言經過這次之後可以回家跟小朋友一起整，提到她剛才被街坊讚靚女，Grace笑言沒有留意，但看到他們的笑容覺得很開心：「感覺好親切，因為真係可以同大家祝福，同埋可以預先同大家講中秋快樂，覺得好有意義。（會唔會想帶囝囝一齊出席慈善活動？）絕對想，如果唔係因為呢個時間大仔、二仔返緊學，我都想帶佢哋多啲出去，想佢哋體驗吓知道咁樣做令別人開心係一個好好嘅感覺。」
留港與家人過中秋
Grace透露中秋節將會留在香港與家人一起度過，到時會整月餅及玩燈籠，最希望就是可以跟家人與朋友一起賞月和食飯團團圓圓。
Grace早前趁老公鄭嘉穎生日的時候，首次一家五口去泰國旅行，她坦言事前已做足準備措施，帶備枕頭、玩具及兩支奶上機安撫孻仔Carlos，而最開心的是Carlos上機後沒有喊，更全程在機上睡覺，故他們也可以很舒服地看電視和電影。至於有否趁旅行時努力造人？她笑指有3個小孩已很圓滿，所以已「收工」。
沒有停工休養打算
黃婧靈昨日手持柺杖，右腳戴上護具現身，她表示因8月頭不慎碌落樓梯致右腳有3條骨裂，現時還差一條骨未復完，雖然骨裂，但她表示能參加這個活動很開心，因為平時自己亦有做義工的習慣，尤其是今次是送月餅給大家慶祝中秋，所以覺得特別有意義，就算骨裂，只要自己能力範圍內做到的也會參與。她預計9月底才可以除護具，只要安全的工作也會照做，沒有停工休養的打算。