《造星》落選Bonnie：《40路》再追夢

選美真人騷《美麗40路》已進入尾聲，數位參賽者早前接受專訪。曾參加《全民造星》而落選的文炎君（Bonnie），希望把握入圍《40路》的機會，繼續追尋自己的演藝夢。

全港首個主打熟女的選美真人騷《美麗40路》，由千人海選中精挑細選出40位35至50歲的熟女進入初賽，不論節目評判、一眾網民及四位主持都大讚參賽者質素相當高，比賽已進入11強的階段。
各位熟女坦言自己去到這個年紀，已經歷過很多事情，開始放低別人的眼光，專注自己的想法，於是勇於報名參選；曾參演電影飾演梁朝偉妹妹的周雅韻（Connie）表示：「我不停努力鍛煉自己身體，而家人哋問我幾多歲，毫不介意誠實回答，去到呢個年紀，想做就做，不會再受人影響！」曾參加《全民造星》的文炎君（Bonnie）則希望把握每個機會，談及當時落選，她坦言有點失望，但並沒有放棄更好好裝備自己：「發現timing好重要，呢一年努力打開心扉，靠自己默默耕耘賺嘅金錢自資出歌，唔容易行但一切都係為咗達成夢想。」
TVB「串星」想更多人識
另外曾客串多套TVB劇集的陳雅慧（Cindy）表示：「參選最大原因是想接多啲角色，而家我只係一個nobody，三十幾歲都未紅，唔想再停留喺IG幾萬followers，想令更多人認識我，知道我對演戲嘅熱誠。」
當中有數位參賽者身為人妻、人母、更要兼顧事業，能夠放心參選確實有賴家中另一半的支持。被封為「翻版林明禎」的馬麗如（Taylor）移居台灣後也返港參賽，與丈夫共同經營的火鍋店暫時交給丈夫打理：「我哋結婚十一年，關係依舊好似拍拖一樣，佢好支持我返原生地方參賽，佢睇住火鍋店，我自己做我鍾意做嘅嘢。」