Gigi孖Yumi頭貼頭「扮嘢」 粉碎不和傳聞

昨日萬聖節「猛鬼出籠」，不少人應節扮鬼去狂歡，藝人也湊熱鬧。因合約問題而被TVB雪藏的炎明熹，扮白面燒鵝應節，至於視帝陳展鵬，則與太太及愛女「小豬比」化身殭屍家族搶鏡。

炎明熹（Gigi）懶理合約問題入主題樂園慶祝哈囉喂，她化身恐怖白面「燒鵝」，同行一班「聲夢」學員，當中更有鍾柔美（Yumi），打破二人友情不再傳言。
Gigi分享自己與Yumi、張馳豪、潘靜文、林沚羿和林智樂等預早慶祝哈囉喂，Gigi塗白全臉，長髮遮半面，頭戴白帽加兩把火，胸前孭一隻鵝公仔，連途人也難認出她。她笑指自己要玩盡些「扮燒鵝」，自己都笑到上車、到入園仍繼續笑。鍾柔美也分享自己臉上化血妝，她與Gigi頭貼頭合照，之前有指她頂替Gigi所有工作，二人友情不再，今次行動證明二人友情不變。
展鵬再當爸?
至於視帝陳展鵬和太太單文柔，就齊齊化身冷艷吸血殭屍，展鵬在字裏行間疑暗示再當爸。相中展鵬和太太相擁合照，囡囡「小豬比」都有入鏡，拿起南瓜造型可愛，展鵬以「聽過吸完血都會生BB」為題發文，似有暗示，「終於搵到個女主角可以吸血啦，ha ha ha，細個嘅時候好多人話咀嘴會生BB，有冇人聽過吸完血都會生BB。明明萬聖節要扮恐怖，但係都要玩反差，唔通真係負負得正，總算有機會留低一個紀念喺萬聖節，出年再玩過。」網民紛紛留言：「係咪即係暗示太太有咗BB」、「係就好啦，多一個美麗成員。」