祥仔定欣新劇越演越濃情齊瞓棺材

黎耀祥、胡定欣、陳曉華等昨日宣傳台慶劇《巾幗梟雄之懸崖》，現場宣布劇集首播7日跨平台收視24.8點、首播觀眾161萬以及首周黃金時段收視冠軍，祥哥坦言曾擔心收視：「生意難做，幾驚得10幾點，𠵱家唔係以前咁嘅時勢。」提到和定欣的感情線，祥哥透露會越來越濃烈，因為之後會有軍閥及日本侵華等戲份，兩人更有一場瞓棺材戲，定欣並非首次瞓棺材所以不介意，而且有利是收，雖然棺材空間細，但並非真的蓋住、不算太辛苦，又開心表示嫲嫲食完晚餐後專誠睡一會再起身睇劇，見對方睇得開心，她亦好安慰。
劇中陳曉華與羅天宇玩風箏，她笑言現實中約一個男人玩並不夠，「要幾個，重啲唔會咁易被風吹走！」至於會否跟緋聞男友朱敏瀚（朱仔）玩風箏？曉華即落閘：「唔玩，我獨立女性嚟！」提到朱仔與周嘉洛、張振朗有群組「救救朱敏瀚」幫他解決衣着問題，曉華直言不會要求加入群組，因對方有朋友，而自己也想有人幫。對於朱仔打算讓陳瀅和JW王灝兒加入，曉華即表示：「梗係Perfect，佢哋有Fashion sense。（佢哋成日炒車！）點會呀，佢哋嘅style唔係嗰啲穩陣型，係型格，挑戰創新，我都想，我唔想次次都係咁樣。（一齊入群組！）可唔可以搵定欣？！」她更表示忙籌備新劇演女強人，沒時間回應任何群組內的事。