甄子丹開明接受子女糾正：我未必啱

甄子丹前晚（22日）擔任「亞太青年微電影節2024開幕禮」頒獎嘉賓，並分享幾十年拍電影經驗，他認為現今年輕人創意新穎，加上資訊發達能在不同渠道表達自己，有時跟子女傾談時還會被女兒糾正，笑言女兒從小很安靜，但站上舞台很有自信，判若兩人。

談到年輕時的想法，甄子丹笑言當時沒包袱，沒壓力，有膽量做事，「作為一個演員就去演，唔驚畀人笑。96年我第一次做導演，就咁拍唔理人笑，呢啲就係年輕人無畏衝勁。我覺得電影需要生力軍，有大膽創意。」有否想做的事尚未做到？他坦言沒想太遠，過好每一天，做好每部電影，每部戲做到極致，從而對得住自己，又指年長後心態有所不同，「可能自己給自己壓力，拍咁多戲，觀眾或市場對你有一定期待，每次都希望超越拍過嘅嘢，壓力會堆積似成座山咁大！因為想超越自己，如果重複再拍就覺得唔好玩。」
囝囝個性似媽媽是開心果

甄子丹坦言現在幸運地收入不太擔憂，希望所有精力上放在創作上有新突破。如何獲得創作靈感，他表示多接觸年輕人，亦會跟女兒甄濟如（Jasmine）及兒子甄濟嘉（James）傾談，「有時聽個女講個角度咁樣，有時我未必啱，反而佢會糾正返我轉頭。」他又指女兒在舞台很有自信，但從小到大表現很安靜，只會一句起兩句止，但在舞台上變成第二個人，笑謂有時不認得女兒，而兒子則性格外向開朗，似太太汪詩詩是「開心果」。

談到有否傳授功夫給兒子，甄子丹坦言在囝囝兒時會督促他做一些事，學巴西柔術，考獲跆拳道黑帶，後來發現囝囝不太喜歡打人，從而知囝囝有另一睇法，「囝囝鍾意音樂亦好喜歡電影音樂，有時睇我啲戲就用電腦重組音樂畀我聽，佢同個女都好有音樂天份。」可想兒子成為音樂家？他坦言作為父母會支持子女的喜好，將來則由他們自己去闖。甄子丹又表示完成有份監製及自導自演電影《誤判》的宣傳後，陪家人度聖誕假。