深宵合體開live逾萬人觀看 軒仔出美食引Ivana破戒

睽違11年，王菀之（Ivana）將於明年2月在紅館舉行演唱會，前晚她跟好友張敬軒深宵「合體」在社交網直播，引來過萬人觀看，二人表演互窒、食煲仔飯及唱歌，直播由半夜11點一直到凌晨一點才結束，兩人提醒歌迷，他們一個在紅館，一個在澳門開騷，門票同時於昨日公開發售，結果兩人的門票均在半日火速售完。
皇上、皇后「合體」，軒公懶理王菀之2月開騷要減肥，深夜放毒，叫齊煲仔飯、靚湯及甜品招呼她，美食當前，王菀之當然忍不到口。直播中兩人合唱，又獨唱不少經典歌，好聽度爆標，歌迷不停派心，更要求兩人一齊開騷。不過有網民質疑鏡頭疑似美顏濾鏡，留言問：「點解Hins個背景喺度郁緊？係咪Al片嚟？乜Al而家進化到食麵都冇問題喇咩？」引得軒仔親自回覆，搞笑自誇靚仔：「我梗係冇開美顏啦，我咁靚！」軒仔懷疑是手機功能或是社交網程式本身預設，因他看不到背景郁動。