認紅館騷後狀態差 AL：會突然間就喊

盧瀚霆（Anson Lo）昨日到商台接受鄭裕玲（Do姐）主持的《口水多個浪花》訪問為推出的新歌《致我》宣傳，過百名神徒（粉絲暱稱）到場守候，有神徒更在前晚已到商台通宵霸頭位。
AL坦言2024年定下的兩大目標都一一達成，首先是工作上以音樂為主，並推出了四首完全不同風格的歌曲；第二就是work-life balance，他表示自上次MIRROR紅館的演唱會後精神狀態都不太好，他更透露最脆弱時的行為：「兩年前大家會成日見到我突然間喺個台到喊，或者排排吓舞會喊，其餘11位成員同排舞師係呆咗，我又試過突然間跑去鏡前面，自己縮埋一嚿跟住就喊，呢啲係成年前最脆弱嘅時候。」作為娛樂圈人氣王之一，其實都算有捱過，當年未入行前AL教跳舞的日子，「1400元一個月，真係喺快餐店買一個包都要諗，買咗都可能分兩餐食，唔夠維生。」
大約五點左右，AL離開商台前，逐一收取神徒們的信和禮物，期間他與神徒聊天、派心及擺出不同甫士神徒，足足接近35分鐘。