江若琳尖沙咀自炒翻側 經理人代報平安：已出院

   昨日中午在尖沙咀彌敦道近加連威老道The One對出發生交通意外，一輛私家車嚴重翻側，警方封閉加連威老道部分行車線，現場不少途人圍觀，原來涉事車主為37歲江若琳，她送院時沒生命危險，經檢查後已出院。

   意外發生後，《星島頭條》聯絡江若琳老公蕭唯展（Oscar），他表示：「冇事呀輕傷，正在檢查中，但只係擦傷少少，放心！」他續透露：「架車失控，佢（江若琳）盡救返架車所以反咗，好彩人冇事，多謝關心！」他也在社交網代老婆報平安：「我老婆無事呀 多謝大家關心。」而江若琳經理人張子丰也獨家回覆《星島頭條》：「多謝大家關心，佢（江若琳）暫時冇大礙。」

   江若琳被送往伊利沙伯醫院進行檢查後已出院，《星島頭條》記者昨在醫院見到江若琳經理人公司的同事，問到江若琳是否已出院？她表示：「係呀，佢冇大礙，多謝關心，人冇事。（江若琳需要休息幾耐？）我哋都等緊報告，so far都冇乜大礙。（她情緒OK？）佢先生陪緊佢，都OK！」問到12月27日廣州舉行演唱會會否受影響？該同事表示：「唔會，暫時冇乜大礙，其實都OK嘅。」