發哥：否則點做落去

熱愛攝影的周潤發（發哥）以「香港．晨」為題舉辦慈善攝影展，發哥昨日現身分享攝影樂趣，透露拍攝主要作品《無題》當日是去護膚，笑言即將奔七，需要保養皮膚，否則如何做落去。

今次發哥影展作品涵蓋花卉攝影、街頭拍攝及「自拍」系列，主要作品《無題》展示不一樣的維港，所有收益扣除成本後作慈善用途。問到何不影發嫂？他笑言影得不夠靚會被鬧，亦不會找發嫂做主角拍攝，因為無人買，有建議他買下所有相，發哥笑言會傾家蕩產。
影相比拍戲辛苦
發哥透露，拍攝作品《無題》當日正前往護膚，問到是否很貪靚？發哥表示經常跑步曬到有雀斑，所以要清理，並笑謂否則如何做下去，自己即將奔七，需要保養皮膚。發哥分享以前菲林年代會一日出外兩次影相，分別是清晨和黃昏，其餘時間在黑房和吃飯，經常沖晒相片搞到凌晨時份，「我一日兩組，辛苦過拍戲，又無人工，自己鍾意，發燒友無辦法啦！」發哥認為以前年代影相辛苦，就算擺好機位都經常吃「白果」，但覺得可以鍛煉耐性。問到發嫂可有陪伴他影相？發哥自認「好毒」，但以前拍戲時很喜歡拍照，因為可以到訪平時自己不會去的地方，加上有「免死金牌」，可以周圍影環境同演員。
不敢影燈飾怕被溶
談到工作，問到可有新劇本？發哥坦言現在的年紀，好少有適合自己的角色，不過最近參演內地賀歲片《唐探1900》，稍後會到內地做宣傳，就算前往北京也會帶備攝影器材，跑步時見到景物也會影。提到聖誕節會否拍攝燈飾，發哥說：「唔好同人逼，我出去被人認到死得啦！溶咗你，返唔到屋企。」