吳卓羲 求愛接受姐弟戀

吳卓羲昨日出席公開活動，被記者追問感情事，廿多年前「已Ready」拍拖的他自言努力渴望緊緣份，他相信緣份到，女主人自然會出現，他也不介意姊弟戀，但最好相差不超過四歲。

吳卓羲昨日在會展活動獻唱，吸引過百人圍觀，阿羲受訪表示和家人開心過聖誕，當記者想問及感情事，他即醒目估到，直言盡力中，「緣份到，女主人自然出現，我努力渴望緊。（是2025年願望？）由2002年開始已Ready，不過未遇到。」他一邊講一邊冒汗，又笑指媽媽已不夠膽再向他提生仔，「因為我喺媒體面前講過，佢（吳母）話我都係講過一次，唔使唱到今日，之後佢嬲咗一日。（黃宗澤有冇介紹？）冇，佢自己都未搞掂。」阿羲不介意女友比自己細十幾年，亦不介意姊弟戀，但最好相差不超過四歲。
考慮搞握手會

提到早前在佛山出席活動時，吸引萬人到場引起混亂，更被狂迷扯衫、摸手仔，阿羲解釋當時並非片中所見般混亂，並指粉絲只是想拍照和握手，他最擔心混亂間有人受傷，他曾在混亂中幫粉絲執鞋。當提到兼任埋保安，阿羲笑言：「唔想有人因為我受傷，連佢哋阿媽都嬲埋我。」被問到有否機會搞握手會？阿羲重提在馬來西亞「食檸檬」事件，「上次同個女仔握手時個女仔走咗去，（有陰影？）係啦，費事瘀，不過都可以諗。」

同場還有80歲的尹光，他即場分享長壽秘訣，並透露明年3月舉行粵曲演唱會。對於樂壇頒獎禮，他並沒信心，沒想過之前在音樂頒獎禮得三個獎，對獎項隨遇而安，「有就開心，冇都唔使灰心。」他亦透露早前探望患失智症的張偉文，對方還認得他，但仍要坐輪椅又經常咬手指，他希望對方會越來越好，盡快康復。