193自嘲只敢做鍵盤戰士

改編韓劇的港版《無用的謊言》正在熱播，ERROR成員郭嘉駿(193) 在戲中以又盲又有疤痕、污糟邋遢的形象亮相，令人留下深刻印象。193指現實中他與角色一樣衝動，但高嘉豪會經常會出手打人，自嘲自己只敢做鍵盤戰士，在網上打字鬧人。
《無》中193飾演的高嘉豪，為了幫妹妹報仇，因而跟姜濤有大量打架場口，角色在原著是一位40多歲的大叔，但他和導演商討後，擔心年紀說服不到觀眾，最後將原著的角色修改，193表示 : 「導演覺得我唔夠滄桑，但係個角色需要令人同情，本身諗住跛腳，但我長期要同姜濤打架，跛腳唔方便，所以最後就設計因為工業意外，令到我一邊眼睇唔到嘢！」
與姜濤互相了解毋須磨合
193表示角色和現實生活中的他性格相近，一樣是衝動和以直覺行先，不過，他坦言高嘉豪比193衝動得多，因為經常會出手打人，更自嘲現實中的他只會在網上打字鬧人。戲中的193每次見到姜濤都會用不同方法想把他置諸死地，但193直言其實私下和姜濤關係友好，所以拍攝時亦充滿默契，大家不用花太多時間磨合：「出道到而家同姜濤都有Keep住聯絡，不過佢畢竟係一個『失蹤人士』，有時搵佢一、兩日後先會覆機！因為互相太了解大家性格，所以一拍認真戲時，大家都會忍唔住笑，但之後好快就進入狀態。」
預告演唱會有收利是環節
提到ERROR事隔兩年後即將於本月底再開演唱會，193搞笑表示，演唱會舞台是十字延伸到左右前後，到時ERROR會有收利是環節，因為演唱會當日剛好是保錡正日生日，而他跟肥仔則早一個星期生日。「我哋剩係會收1,180元票價位置嘅利是，可能觀眾會覺得1,180元加上利是好貴，但其實我哋兩年先搞一次Show，我哋有驚喜，又有Talk Show又有表演，所以我個人認為1,180元門票係好抵睇！」