軒仔因霆鋒開騷 電話被炸爆

前晚完成澳門演唱會的張敬軒，昨日出席品牌活動，與過千粉絲預祝下月44歲生日。對於被網民質疑操控頒獎禮賽果，軒仔指若可操控就第一時間頒獎給自己，強調一向同電台來往都小心避忌。
提到價值700多萬的勞斯萊斯新車，軒仔指是老闆送的生日禮物兼勤工獎，好開心破紀錄在澳門開33場演唱會，也開心演唱會帶挈了當地經濟，又自爆最近因謝霆鋒開騷，自己被打爆電話，連很久沒聯絡的人都出現。
與電台來往好避忌
提到被網民質疑操控叱咤頒獎禮賽果，軒仔笑言大家太看得起他，認為每個頒獎禮都公平，平時同電台來往都好小心避忌，「以前周國豐先生在港台，佢係我伯樂、亦師亦友，我試過送銀包俾佢，都要退返嚟，包括同商台、新城嘅朋友都係，我哋同電台來往都會好小心，食飯AA制，大家知道分寸喺邊，對呢啲新聞好避忌，所以有機會都要講清楚！」軒仔明白大家的情緒，亦想保護大家說話的權利，坦言事前大部分台下的人都覺得是馮允謙得男歌手金獎：「我相信包括Ian本身，我同Ian都有傾過，但具體佢哋嘅播放率要問返佢哋電台機制。」
至於黎彼得早前表示不知張敬軒是誰，軒仔認為不出奇，可能自己不適合前輩口味，所以更要大範圍宣傳，並指如果開騷，會邀請對方欣賞。