ERROR開騷大玩自嘲

男團ERROR前晚開騷，吳保錡、梁業（肥仔）、郭嘉駿（193）及何啟華（阿Dee）繼續發揮搞笑本色，大玩頒獎禮自嘲，肥仔說：「唔係自己頒畀自己都無機會。」193重提揸名車撞倒婆婆事件自抽，更在大螢幕上展示當時的圖片，還將隊友保錡與菊梓喬的緋聞擺上枱，指保錡陪人買紙巾。
193曾公開串爆陳百祥（阿叻）和曾志偉，這晚四子亦無懼大唱《愛至叻》、《天下無敵我愛你mix畀獎金》等，肥仔更扮志偉聲沙沙講：「多謝晒！」適逢當日是保錡的34歲生日，現場播放TVB台慶生日歌音樂，四子更拎住魚網向台下觀眾𢭃利是。完騷後，問保錡與緋聞女友梓喬如何慶祝？他說：「呢啲同女友自己傾。」談到將緋聞擺上枱，他表示行得出來就要面對自己，無需要嬲。