樂●活｜Halloween 去邊玩？

今日係Happy Friday，周末加上Halloween，諗好約朋友去邊玩未呢？就等Laurie比少少建議大家啦！

韓劇《魷魚遊戲》大熱，今年Halloween亦有唔少人以劇中的造型作為打扮，而D2 Place就聯同場內的PowerPlay Arena、4D VR 電競館 VAR LIVE會舉行限定活動The D Game，可以約埋朋友去齊3個地點「魷」玩一系剌激「魷」戲。

其中4D VR 電競館 VAR LIVE 將於即日至10月31日舉辦萬聖節派對，並以新推出的VR 恐怖遊戲《恐怖病院》 作為派對主題，讓玩家恍如置身恐懼鬥室中，腎上腺素持續飆升，分分秒秒挑戰緊刺激極限。VAR LIVE會化身成一間廢棄病院，讓大家同時感受 VR 及嘩鬼節的樂趣。

至於PowerPlay Arena由即日至10月31日推出萬聖節快閃送禮，在c場內Zone A參與眼明手快、搶拍先機及勁射八方等遊戲就可贏取PowerPlay Arena獎品，過關次數愈多，贏到的獎品將愈豐富，而玩彩虹池及攤位遊戲不但有機會贏得終極大獎，更可額外獲得 456 張 E-TICKET 換取禮品。  

想過達至驚嚇最「高」境界的話，就可以去山頂凌霄閣於即日至10月31日舉行的萬聖嘩鬼狂呼慶典，當中更包括以萬聖節裝扮到訪凌霄閣摩天台428即可獲免費入場，又或可購買活動套票大玩Trick or Treat! 萬聖節尋糖果、以及萬聖節正日限定的山頂凌霄閣 x Dee Dream Life x XP Fitness Hub Spooktacular Halloween Fit & Treat 萬聖節兒童工作坊，當中活動包括彈跳鞋、舞蹈、擊鼓樂及瑜伽。  

鍾意有新意的話，可以於即日至10月31日到愉景灣溜冰場將參加萬聖節嘩鬼溜冰派對，溜冰場除有心慌慌搞鬼布置外，教練和職員亦會來個嘩鬼大變身，同大家大玩Trick or Treat。參加嘩鬼派對當然唔少得穿上最「驚」喜的造型，大家可利用場內的道具拍照，參加最扮野穿著比賽，與Facebook 或Instagram打卡並標籤 #dbirhalloween2021即有機會獲贈豐富獎品。愉景灣溜冰場更聯手寶礦力及Green Common，向所有入場人士大派禮物同慶萬聖節。溜冰場根更會與明日（30日）晚上6時至10時開放公眾溜冰時段，入場門票大小同價，已包括溜冰鞋租借費用，現場更會有不同熒光顏料供應，可以抹上色彩繽紛的顏料，於漆黑中與其他嘩鬼狂歡。

 作者：Laurie Wu（愛保健愛旅遊愛購物的熟女）

[email protected]