樂●活｜新年新食力

鍾意周圍搵食嘅朋友仔，應該同Laurie一樣鍾意捐窿捐罅搵下有乜新餐廳、新Menu可以約埋朋友去試，剛過去嘅新年假期，Laurie今日就約咗朋友去咗試一間喺蘭桂坊新開嘅精品火鍋店，好有驚喜！

之所以發現呢間位於蘭桂芳嘅角落火鍋係因為有在中環返工嘅朋友，試過午市時該店嘅原盅燉湯配小菜客飯，結果一試難忘。每季供應四款燉湯，今季就包括魚美人燉花膠、八珍響螺燉老雞、海底椰燉響螺花膠及素湯玉米金梨燉山珍。朋友首推用咗多款上乘鮮魚，包括花尾龍躉、班腩等熬出奶白色的鮮甜魚湯，再隔渣與花膠和木瓜一起燉，啖啖骨膠原，滋潤養顏；愛喝素湯的話就試試用咗粟米、金梨乾與多種珍貴菇菌，再加上栗子及腰果彌補肉的甜味，甜而不膩，營養豐富其燉湯玉米金梨燉山珍。

朋友發現原來晚市有滋補養生鍋—北海道牛乳美顏鍋配極罕巨型花膠山、黃湯花膠魚肚鍋及養生藥膳醉雞鍋等，於是急急約埋一班朋友去試。Laurie同朋友試咗北海道牛乳美顏鍋，問過店員，原來呢款牛乳鍋係用咗新鮮豬筒骨同湯骨熬製超過10小時，再加入3.7北海道牛奶，奶白色嘅湯底入口濃郁滑溜，每一口都充滿骨膠原和奶香，上枱時配上激罕巨型花膠山，隻隻花膠比手掌更大，堆起來極具派頭，記得打完卡再慢慢品嚐。

當晚順便問埋黃湯花膠魚肚鍋嘅用料，原來係用咗金華火腿、火腿骨、三黃老雞、花膠筒、魚肚、赤肉熬足12小時而成，上枱時仲會配以半隻肉嫩低脂肪的文昌雞，單係聽已經覺得吸引。另外，仲有戀酒系列，分別係以多種上等藥材包括黨參、當歸、淮山、杞子、桂圓肉、紅棗、北芪等燉煮藥膳鍋，加上以陳年花雕醃足一晚嘅醉雞嘅養生藥膳醉雞鍋，而且更係用上皮爽肉滑嘅文昌雞；另一款日式本格酒粕鍋，就用上帶有深沉的酒香、愈煮愈香嘅酒粕入饌，蘊含豐富營養價值，相當適合食補。

除咗湯底，角落火鍋嘅火鍋配料都係自家出品，無論餃子、丸類還是荳品都是每日新鮮製作兼每日限量供應，確保質素。肉類方面，餐廳供應的都是高質上等靚肉，牛肉主要選用來自澳洲及日本的和牛、以及本地每日鮮宰牛，豬類則選用西班牙的黑毛豬，大廚更會在客人面前即席切片，確保新鮮而且觀賞度滿分。大廚亦特別推介珍貴的澳洲和牛牛白肉，口感爽脆，富有濃厚的油香，嗜牛的話一定要試。大廚更趁新店開張，特別推出冬季期間限定名為「冬日雪の丸子」的驚喜爆珠手打丸，以可愛雪人賣相上枱嘅冬日雪の丸子不只賣相吸引，更是內有乾坤，大廚將不同口味的爆珠隨機加入墨魚丸，一口咬下去先是爽滑彈牙的丸子，爆珠隨即爆開，沾滿果汁的丸子味道出奇地搭，驚喜度十足，令人一試難忘！

 

最近亦去咗主打100%無麩質精品咖啡店INFINITI C，咁啱遇到該店與有「牙膏中的愛瑪仕」嘅意大利奢華牙膏品牌MARVIS聯乘推出嘅期間限定Menu：以MARVIS破格的伯爵茶及黑森林牙膏口味所設計嘅無麩質低碳蛋糕Ultimate Black Forest Gateaux，蛋糕蘊含香醇嘅皇室伯爵茶以及藍莓果味，頂部用上法國Valrhona 100%特濃朱古力，美呼又驚喜。由即日至1月31日於INFINITI C分店點選Ultimate Black Forest Gateaux，更可免費獲MARVIS牙膏體驗裝，而聯乘活動期間，更可於INFINITI C所有分店以優惠價$76換購內有內有強力薄荷、美白薄荷及肉桂薄荷味Marvis - 瑪爾仕花樣旅行牙膏套裝。

步入2022年，星巴克亦以兩款經典滋味 ― 醇香抺茶及煙燻奶油糖製作四款窩心咖啡茶飲。其中醇香鮮奶抺茶採用源自日本的無添加糖醇香抺茶粉，香濃抺茶結合幼滑鮮奶，送上東瀛風味，而特濃咖啡醇香鮮奶抺茶。以醇香鮮奶抺茶為基底，注入星巴克特濃咖啡，視覺上營造由深至淺的漸層效果。醇厚咖啡與芳香抺茶巧妙結合。煙燻奶油糖鮮奶咖啡在特濃咖啡中巧妙融入煙燻奶油糖，飲品表面灑上磨至幼細的咖啡粉，令每一口都充斥咖啡醇香，同時平衡奶油糖漿的甜味。煙燻奶油糖咖啡星冰樂®的面層以香滑鮮忌廉取代綿密奶泡，冰涼口味一試難忘。

為配合抺茶主題飲品，更有以優質日本抺茶製作的牛角包及甜點，當中包括將可口的抹茶醬注入鬆化的牛角包中，表面撒上香濃抹茶粉及糖粉，加熱後的流心抹茶醬一湧而出，茶香滿溢嘅醇香抹茶流心牛角包；以香滑牛油製作出口感鬆脆撻底，鋪上以醇香日本抹茶粉製作嘅抹茶醬，並加入鮮忌廉，帶來獨特抹茶滋味嘅醇香抹茶撻。仲有以濕潤鬆軟的黑森林蛋糕為蛋糕底層，之後加上香濃的抹茶忌廉，再加入軟心朱古力，並在頂層加上覆盆子脆粒和朱古力牌嘅抹茶朱古力蛋糕，以及用上日本抹茶粉製成，面層被幼滑的黑芝麻忌廉覆蓋嘅抹茶芝麻雪芳蛋糕。

此外，更全新推出的Omni新炸魚柳意大利軟包，以OmniFoods新炸魚柳入饌，外皮金黃香脆，內層軟嫩多汁，配上夾着新鮮生菜、蕃茄、微辛紅洋蔥及香濃蛋黃醬嘅意式軟包，滋味十足。黑松露白醬牛角包就在層次分明嘅牛油酥皮中加入黑松露醬、芝士等餡料，並以蘑菇粒蓋滿牛角包的面，提升整體口感及風味。另有全新無肉輕食選擇，靈感取自意式經典菜式菠菜烘蛋，菠菜烘蛋芝士軟包三文治將菠菜、蛋漿、芝士等食材焗烤後夾於軟包之中，簡單材料製作出滋味小食，為整天注入動力。還有取名自三大食材煙肉（Bacon）、生菜（Lettuce）、蕃茄（Tomato）英文縮寫嘅BLT 總匯三明治，以烤至金黃的意大利芝士軟包代替一般麵包，選用火腿及蛋等食材，炮炮製出簡單滿足的早餐之選。

作者：Laurie Wu（愛保健愛旅遊愛購物的熟女）
[email protected]