樂●活｜環保裸買

下星期就係農曆新年，相信大家都忙緊買年貨、同埋準備為屋企大掃除、洗邋遢迎接新一年，想做到家居窗明几淨之餘，又做到源頭減廢嘅環保理念，Laurie有好介紹！

即日至2月13日期間，荃新天地同玩保裸買店四圍斟以Cataholic Wonderland作主題佈置嘅新春限定環保祼買體驗店，店內有逾40款本地環保品牌及純天然產品可供選擇，方便大家以行動支持綠色生活。大家自備容器購物，用多少、買多少、斟多少，而且店內嘅產品着重天然成分，供應不少環保物品，包括清潔及洗滌用品及日用品，大部分為香港製造，減少碳足跡，店內產品如洗手液、洗衣粉等均不含有害化學物質， BB都可以安全使用，店內亦會供應近年媽媽GROUP熱烈討論的環保尿布，及母乳媽媽合用的可重用環保乳墊。

想消毒除菌唔一定要用化學嘅漂白水，可以入手過碳酸納，有漂白水的消毒除菌功用，卻如彩漂一樣保留衣物原色、洗BB衫同樣安全，並可消毒、清洗洗衣機及廚具、食具，一物多用！另外可以入手Good Wastes 好廢環保手工廢油洗衣粉，係由本地品牌「好廢」其中一款由社區姨姨們全手工製造出來的無公害洗衣粉，成分包括：再生油手工皂碎、小梳打粉、天然精油，將由指定餐廳回收回來的再生油製成手工皂，再將手工皂刨碎、刨絲，經煮煉、冷卻、打碎、攪拌磨粉等多個程序，粉粒幼細，期望用家使用時盡量不會出現洗衣粉不溶化的狀況，不單只無公害、減污染，亦為本地婦女勞工建立自生資本，以手藝及閒暇時間，爭取改善生活及提升自我的機會。

S+ REWARDS會員更可以點數換領多款清潔用品及個人護理用品，包括皇牌產品Good Wastes 好廢抗菌洗衣液（松香）、Earth殺菌茶樹洗手液、Wooden Breeze HK胺基酸啤酒洗髮皂及老薑洗髮護髮皂（洗髮護髮2合1）、果皮家族果皮酵素清潔劑及Green Paws HK環保木貓砂，體驗新一代無包裝購物樂趣。

作者：Laurie Wu（愛保健愛旅遊愛購物的熟女）

[email protected]