樂●活｜期間限定主題杯具

每次見到造型、主題特別嘅咖啡杯、隨行杯等都會情不自禁想帶晒返屋企！Starbucks新近推出咗兩個系列嘅杯具，勢必成為大家嘅收藏之列。

其中一個係星巴克同KATE SPADE NEW YORK嘅亞洲限定聯乘系列。系列設計靈感源自KATE SPADE NEW YORK 嘅發源地紐約，並融入了KATE SPADE NEW YORK一貫摩登優雅嘅風格，細緻刻劃出紐約日常生活中的有趣事物，有可愛嘅小貓咪、奪目嘅鮮花、街上嘅小攤檔，仲有經典紐約街景如黃色計程車等。系列以亮粉紅、皎潔白及霓虹綠等鮮艷顏色為主調，配合KATE SPADE NEW YORK經典嘅波點及條紋簡約設計，令系列富玩味之餘亦不失時尚風格。系列共推出6款商品，包括咖啡杯、隨行杯等經典杯具，當中16oz 雙層真空不鏽鋼咖啡杯或隨行杯以手繪圖案勾畫出紐約日常風景，包括黃色計程車、布魯克林大橋等，時尚多彩，輕便又實用。至於12oz嘅間條雙層不鏽鋼隨行杯杯身就有粉紅與鮮綠條紋，設計簡潔又充滿辨識度，配上經典的星巴克標誌，打造時尚俏皮嘅感覺；16oz圓點雙層不鏽鋼隨行杯就是鮮艷搶眼之選，綠色杯身綴以白色波點印花，以新穎亮麗造型登場。

另外，仲有春日花海系列，以優雅嘅淡粉紅、淡紫與米白色為主調，勾勒出櫻花綻放、乘微風紛飛嘅迷人夢幻氣氛，系列其中包括咖啡杯、兩用隨行杯、不鏽鋼水樽、雨傘、可折叠食物盒等24款精緻商品，將櫻花盛開的夢境呈現眼前。系列推出12oz 櫻花見頃玻璃杯，在透明玻璃裡刻劃出細膩嘅花紋，配上金色手把裝飾；粉紫色嘅10oz 春櫻花瓣心形咖啡杯碟組合將心形花瓣的咖啡杯拼上象徵荷葉的杯碟；而18oz 櫻花見頃不鏽鋼凍杯嘅淺紫色杯身繪上飄散如金色花瓣。

不可以錯過嘅當然係首次登場嘅春季Stanley聯乘收藏系列，當中包括兩款簡約摩登的紫丁香色不鏽鋼隨行杯和咖啡杯。系列以相同的紫丁香設計，推出12oz 紫丁香色不鏽鋼咖啡杯。系列除了兩款Stanley杯具，亦與美國保溫瓶品牌CORKCICLE合作推出兩款水樽，品牌的標誌性流線樽身與實用保溫功能，今次嘅聯乘不鏽鋼水樽以型酷金色及格調灰色配搭花漾設計。

除咗滿載春日氣息嘅杯具，當然唔少得春季限定飲品，同埋輕食。首推草莓夢幻忌廉星冰樂，以富奶油香氣嘅雲呢拿忌廉星冰樂作基底，再注入酸甜開胃嘅草莓糖漿，營造紅粉緋緋嘅漸層效果。頂層綴以鮮忌廉及有如七彩寶石嘅香脆糖粒，夠晒夢幻之餘，甜而不膩嘅多重口感，為味蕾帶來清新享受。櫻花主題輕食就有注滿酸甜可口士多啤梨吉士醬嘅櫻花士多啤梨吉士醬牛角包，以源自日本的醇香抹茶粉製作的士多啤梨櫻花抹茶雪芳蛋糕及士多啤梨櫻花蛋糕卷等。

 

作者：Laurie Wu（愛保健愛旅遊愛購物的熟女）
[email protected]