樂●活｜蟹季首選歎蟹粉宴

終於等到蟹控心心念念嘅蟹季，又係食大閘蟹嘅時令！呢排約朋友聚會，蟹粉宴梗係首選！

為讓一眾「蟹粉」可以過足蟹癮，盡興而歸，翡翠拉麵小籠包推出八道時令蟹粉佳餚，當中包括鮮肉餡裹甘香四溢嘅蟹黃，加上特製湯凍，皮、肉、湯汁完美協調嘅蟹粉小籠包；隻隻餡香湯鮮、生煎蟹粉鍋貼；還有師父現場即叫即拉，拌以足1.5両蟹粉及即炸蔥油嘅蟹粉拌蔥油毛細麵，另外仲有蟹粉豆苗、芙蓉蟹粉蟹肉賽螃蟹、蟹粉豆腐煲、鮑魚蟹粉撈飯及蟹粉蝦球鍋巴。

除咗蟹粉佳餚外，指定翡翠分店更推出蟹粉香撲下午茶餐，可一口氣享用由前菜、點心到主食等多達13道佳餚，除咗多款經典招牌美點菜式外，更可品嘗多款全新蟹粉美饌，包括蟹粉小籠、芙蓉蟹粉蟹肉賽螃蟹、蟹粉鍋貼，以及滿有鑊氣的精裝鮑魚蟹粉撈飯。套餐並配上2杯秋冬特飲。翡翠拉麵小籠包更以低至75折優惠推出不同套餐以供選擇，包括蟹粉香撲嚐鮮4人餐及蟹粉香撲盛宴4人餐，而會員可享最多$100折扣優惠。

香港美利酒店更帶來上海蟹宴爵士樂之夜，酒店新任命嘅中菜及宴會部副行政總廚陳忠秋師傅選用最揀手嘅新鮮江蘇大閘蟹，炮製出多道大閘蟹時令菜式，並只於10 月 14、16、21 及 30 日晚上限量供應。賓客可於宴會廳Niccolo Room內享用精緻的八道菜上海大閘蟹盛宴，同時欣賞上海風格嘅現場爵士樂表演。招牌菜式包括清蒸原隻江蘇大閘蟹（每位兩隻），讓客人能以最原汁原味方式細嚐鮮甜嘅清蒸蟹肉及蟹膏；酥炸蟹粉釀蟹蓋就將鮮拆蟹粉及蟹肉釀回蟹蓋中，再沾漿封好炸至酥脆，每一口都是滿載蟹香的海洋滋味。仲有以清甜嘅竹笙與時令蔬菜，加上燴蟹粉以增加層次感嘅鮮蟹粉竹笙扒菜苗。餐牌仲包括如西施海皇燴燕窩、花雕醉乳鴿、飄香荷葉飯及桂花薑茶湯丸等。盛宴亦提供加配美酒選項，大家選擇以4款陳年10至20年女兒紅及花雕酒陳釀搭配。

香港尖沙咀凱悅酒店凱悅軒亦由即日起至11月15日提供多款大閘蟹美饌，由主廚黃皓勤師傅將大閘蟹嘅鮮味發揮得淋漓盡致滿足一眾蟹迷。清蒸大閘蟹（4至6両）當然是大閘蟹宴不可或缺嘅菜式，將紫蘇葉與原隻江蘇大閘蟹同蒸，饕客們再親手將肉質肥美鮮嫩嘅大閘蟹去殼拆肉，輕輕點上蟹醋，細意品嚐蟹膏和蟹肉嘅原汁原味，再配上祛寒的熱薑茶享用。黃師傅巧手打造出多款別出心裁的的蟹粉菜式：包括綴以精緻的蟹醋啫喱配上香濃蟹粉嘅蟹粉煙燻流心蛋、用上南非十頭鮑魚用糯米包裹後煎至金黃，置在菠菜苗上，底層鋪滿蟹粉嘅香煎珍珠糯米鮑伴蟹粉 （位上）、仲有芙蓉蟹粉花枝球、黃金蟹粉羊肉脆卷及 石鍋蟹粉炒絲苗 （位上）。

必試菜式還有脆香大閘蟹蓋 （位上），師傅先把大閘蟹蟹肉、雞脾菇粒、洋蔥和自家製蟹粉炒香，釀入大閘蟹蓋後炸至顏色金黃，口感香脆而不膩口，享用蟹蓋時，可加入少許蟹醋啫喱同吃，更添滋味。客人更可加配茗茶品牌 Saicho 以高品質單品茶葉製作的氣泡茶，令這頓蟹宴更臻完美。

 作者：Laurie Wu（愛保健愛旅遊愛購物的熟女）

[email protected]