【維港會】大嘥鬼「登六」 生日願望係「揼少啲慳多啲」

大嘥鬼6歲生日快樂！形象深入民心的環境局吉祥物大嘥鬼迎來六歲生辰，他在facebook專頁上載了自己生日會的盛況，分別展示「別人幻想中的」奢華派對及「鬼鬼現實中的」簡單生日會。鬼鬼自稱不習慣高調，因為「哥作為當紅KOL唔使搞咁多嘢都好多人會同我慶祝」，又話將派對搞到咁大，會製造好多垃圾，表示「I don't like it」，認為簡簡單單仲開心！

鬼鬼生日，環境局局長黃錦星亦親自留言：「登六！」慶祝，另外超過1500名網民在鬼鬼專頁上按「讚」送祝福。不少網民留言致賀，有輕聲說句「Happy Birthday」、「快高長大」，又有人祝鬼鬼生日「脫單」、「快啲搵個慳家妹陪你啦」。至於大嘥鬼的生日願望是甚麼呢？鬼鬼話，希望大家繼續支持他、支持環保，「一齊同我揼少啲慳多啲啦！」