【維港會】伍家謙再遇麻甩佬難題 朋友於外母家誤播AV

前無線體育記者伍家謙在Facebook發文，並再次分享「麻甩佬的難題」，指其朋友不慎在外母家播放AV，並指「我老婆黑X晒口面，餐飯而家好X靜」，因此發文請教網民。

伍家謙在Facebook發文，指「麻甩佬群組永遠充滿歡樂」，並指自己收到朋友在麻甩佬群組的一則求救後，「我笑咗最少半粒鐘，笑到打瀉水」。從他分享的WhatsApp對話截圖中可見，其朋友指自己在看完AV後，未有關掉網頁瀏覽器，並直接鎖上手機熒幕。其後，他與老婆到外母家吃飯，其手機或因為曾連結外母家的藍芽喇叭，因此再次自動與喇叭同步。最終，其朋友指，「我一開電話，啲呻吟聲充斥晒成個廳」。其朋友因此在群組求救，「點拆好，我老婆黑X晒口面，餐飯而家好X靜」，但指「我外父忍笑忍到面都紅晒」。伍家謙其後指，自己想出的唯一解決方法是「叫外父捱義氣頂咗佢」。

不少網民其後紛紛留言，笑言「打俾一個最好嘅朋友，跟住鬧佢，叫咗你唔好成日發呢啲無聊片過嚟，都話好影響人，而家我同外家食緊飯，全部人都以為我睇AV！」、「啲群組真係好唔健康，係家謙send出嚟，我已經退出咗群組」、「外父，都叫你set 好d security 㗎啦，又俾隔離屋link咗入黎啦，我一陣幫你搞搞佢啦」等。