【維港會】男童文具店偷竊斷正 港媽拒信不停辯駁「唔係㗎」

家長未能從小灌輸小孩正確觀念，長大後恐怕會不堪設想！有文具店店員在社交網站投稿，指日前識破一名小學生偷竊，於是聯絡男童學校老師，惟男童趁其不留神時逃走。事後男童媽媽親自到店舖了解，惟過程中一直拒認兒子偷竊，斷言：「唔係㗎，佢唔係咁㗎」。

該名店員在社交網站專頁「西客之道」投稿，指當時男童於文具店將數件貨品藏於校服內，他發現後即場上前質問，並要求男童提供家長電話號碼。男童不但稱沒有父母的號碼，更辯駁指「我冇偷嘢㗎，我只不過攞咗你啲嘢走，跟住會再返嚟畀錢」。店員想以電話聯絡校方，男童即企圖用手遮掩校徽但不果。當老師在電話中要求拍照以查證學生身份時，店員才發現男童已逃走。

未幾，男童媽媽帶同兒子到店舖了解，該名港媽觀看閉路電視片段後指：「無理由㗎，我今日畀咗錢佢買嘢，佢有錢點會偷嘢」，店員則回道：「好簡單一個人買嘢，會唔會攝晒啲嘢喺條褲同件衣服入面離開，然後再入番嚟畀錢？」。惟她拒絕接受說法，稱：「唔係㗎，由細到大都有睇住佢，而且佢唔識同人相處，佢有個病，學校都知，而佢亦都講咗佢唔知自己做過咩，但佢有錢係身唔會偷竊㗎」。

店員則指，現在證據確鑿，男童犯錯後亦拒絕聯絡家長及學校，還要逃走；該名港媽仍然不斷稱「唔係㗎」為兒子辯駁，唔係㗎，因為我唔知發生咩事，所以我落嚟了解返，但我小朋友真係唔會咁做」、「唔係㗎，但佢（兒子）話好鐘意嚟買嘢，所以佢係諗住買完M記（麥當奴）就返來畀錢。可能我唔識教佢，但佢真係無心偷嘢」。

隨後店員要求男童於門外等候並單獨與港媽談論，店員反問：「你帶小朋友落嚟要了解件事情，但係咁講『唔係㗎、唔係㗎』，你覺得幫到個小朋友」？不過港媽仍然相信兒子不會偷竊，重複「唔係㗎，唔係㗎，我信佢唔會做呢啲野」。最終店員不想再爭論便要求兩人付錢離開，最終該對母子亦未有就事件道歉。

店員事後怒斥男童是看清附近沒有人便下手，根本是存心偷竊，然而母子二人卻堅持且沒道歉之心，只好祝福男童不要行差踏錯，否則日後亦無法想像。

事件引起網民討論，有人留言稱「唔報警點對得住佢兩母子」、「了解咗又唔道歉，又話係帶小朋友嚟道歉，媽呀，我好亂呀」、「怪獸家長」。