【維港會】嫌焗批加熱後現裂紋 野蠻客斥：非洲兒童連嘢都冇得食

焗批出現一點裂痕都不能接受？有咖啡店前員工分享遇到一名野蠻食客的經歷，對方因一客薯仔批加熱後出現裂痕，竟怒罵店員10分鐘，更指非洲的兒童沒有食物可吃。

有連鎖咖啡店前員工在Facebook專頁「西客之道 Hispitality Secret」投稿，表示曾於工作繁忙的時候，遇到一名野蠻的男食客因一客薯仔批加熱後出現裂痕，竟怒罵店員10分鐘，更怒斥：「你畀啲咁嘅垃圾我食有冇搞錯」。

員工面帶微笑回應對方，提出替對方換一件，惟食客竟發難更鬧足員工10分鐘，「依家唔係換唔換過嘅問題。我等左咁耐你比件垃圾我 你知唔知非洲啲兒童連嘢都冇得食？」網民更表示當時惹來其他客人的注目，場面尷尬。

帖文引來網民熱烈討論， 不少人質疑該名食客的邏輯有問題，「非洲兒童冇得食，你又嫌棄個批有裂痕？」、「比著非洲兒童，就算碎開佢都食左，你唔食你即係浪費食物啦？」，有人就認為食客的行為像個小朋友，「我家小孩3歲果時，都唔喜歡餅餅唔完整崩咗爛咗。應該都是同一個level嘅野黎」！