【維港會】男子趕開場睇醫生狂催 嘲醫生房內有可疑反被擊退

到診所求醫時，需要等待是常識吧。然而，facebook專頁「診所低能奇觀」則分享了一則帖文，指一名男子擬趕在電影開場前看醫生，而多次在醫生房敲門，最終被另一名病人擊退。

診所護士「珍寶豬」在其facebook專頁「診所低能奇觀」發帖，指一名男子早前到診所的登記處詢問，並告知若他現時登記則排第四，並估計他約需等待30分鐘。誰料，他聞言後竟表示，「半個鐘呀？我張飛仲有廿分鐘左右就開場啦喎」，「珍寶豬」即建議指，「你最好就係做完你啲嘢先再過嚟，我哋今晚收八點」，但對方則指，「夠啦，睇一睇好快啫，我又冇乜嘢」。

「珍寶豬」為男子登記時，他又指，「我真係得咁多時間可以俾到你㗎咋，拍硬檔爽手啲呀」，而「珍寶豬」則回答指，「先生，如果你趕時間嘅話就最好做埋你自己啲嘢先再過嚟」，對方其後沒有作聲。其後，男子因等待太久而感到不滿，並大聲指，「我仲要等幾耐㗎？真係開場㗎啦！」更走到醫生房門前多次敲門，並催促指，「入面嗰個可唔可以快少少呀？我趕時間呀」，以及「入面搞緊咩呀？係咪扑緊X呀？係就打開門啦！」

此時，醫生房內的另一位男病人突然開門，並反指「你係咪入嚟扑埋一份呀？吓？」，令他即時變得安靜。在醫生房再次關門後，男子對「珍寶豬」指，「我唔睇住啦，入面嗰個痴線㗎！你聽唔聽到佢挑逗我呀？你同我取消佢先呀！」

不少網民其後紛紛留言，並笑言「佢挑逗你，你咪挑逗返佢囉」、 「唔等得就唔好睇醫生啦…當時醫生一定好尷尬, 兼且一定會認住呢個病人」、「咁精神都唔駛睇醫生啦～」、「醫生好無辜」等。