翻唱前輩歌曲獲好評　譚嘉儀：都會有啲壓力

譚嘉儀日前為新歌《今宵多珍重》拍攝 MV，此歌為劇集「金宵大廈」之主題曲，嘉儀對於再翻唱前輩之歌曲並得到好評表示興奮，「其實翻唱咁經典嘅歌曲係點都會有啲壓力，所以自己好努力研究另一種唱法，想去配合下劇集嘅風格，感謝一直支持我嘅人。」

嘉儀刻下正跟教會的朋友在美國進行音樂佈道之旅，剛完成 New York 站，現繼續飛到 Orlando，嘉儀：「難得有機會到美國唔同嘅省份寓佈道於娛樂，大家一班人好家庭好溫馨，順便當休息及收集一下創作靈感。」

嘉儀年底的行程已經排得滿滿，11月中會推出第三張個人專輯，「在飛美國之前已經拍攝好唱片封套，估唔到今年有機會再推出唱片，好多謝公司多謝老闆嘅信任，12月仲有機會再到美國，係搵真銀登台開一個小型音樂會，希望都有機會響香港開 show，我會繼續努力的！」